နေရလည်းကြပ်၊ သေရလည်းကြပ်...

ခုတလော ခွေးအောင်နက်တကောင် တငိုင်ငိုင် တမှိုင်မှိုင်နဲ့  ၊ အစာလည်း ကောင်းကောင်းမစား ၊ ယိုင်နဲ့ နဲ့  ခွေးကတက်မှာ မိုးလင်း မိုးချုပ် ခွေကာသာ နေလာတာ ကြာပြီပေါ့ ။ သားရေး သမီးရေးလည်း စိတ်မဝင်စား ၊ မယားအရေး သကြားအရေးလည်း စိတ်မှာ မထား ၊ ဘုရား တရား အတွေးဆို ပိုလို့ တောင် ဝေးသေးပေါ့ ။ အိတ်ထဲမှာ ငါးပြားတောင် မရှိလို့  ဝါးတားတောင် မသောက်နိုင် ၊ မှောက်လိုက် လှန်လိုက် ခါးဆန့် လိုက်ဖြင့် သေချင်တယ် သေချင်တယ် ရယ်လို့ တအီအီသာ ညီးနေပါတော့သည် ။ ကြင်ယာဘက် မဟေသီ မယ်ဂုတ်ကျား ခမြာ မတော့ ၊ လက်ကျောမတင်း ကိုလူပျင်း ..အဲ့လေ.. ခွေးငပျင်း အောင်နက် ရဲ့  အိမ်ထောင်ဦးစီး မပီသမှုကြောင့် ၊ ရှိရှိသမျှ ခွေးမှု ဒုက္ခ အဝဝ နှင့် တမိသားစုလုံးရဲ့  စားဝတ်နေရေးကို ဒိုင်ခံ ဖြေရှင်းပေးနေရလေသည် ။

လှတာမက်တော့ ညစာခက်ပါပေါ့ လို့ ခုမှ သူမ တွေးမိသည် ။ ခွေးပျို ဘဝတုံးက စတိုင် အပြည့် ၊အမွှေးအရောင် တောက်ပြောင်စွာ နဲ့  အားမာန်အပြည့် နဲ့  ၊ တော်သလင်းလ ခွေးဗိုလ် လုပွဲတိုင်းမှာ အနိုင်ရခဲ့သော အောင်နက်၊ အမြီးတထောင်ထောင် ဟိုဟောင်လိုက် ဒီဟောင်လိုက် မာန်စွယ်ကြီး ဖြဲလို့  ၊ သရဲလဲ မကြောက် ၊ဂဲလဲ မကြောက် ၊ဝဲလဲ မပေါက် ၊ရပ်ကွက်ထဲ ခွေးပျိုမတွေ နဲ့  တကဲကဲ လုပ် ၊ ဟန်ပန်တွေထုတ် လို့  ပျိုတိုင်းကြိုက်တဲ့  နှင်းဆီခိုင် လို့  ဆိုနိုင်လောက်တဲ့  ဒီအောင်နက် ။ စကားချိုချို အကြွားပိုပို မို့  ၊ နဂိုလ်ရေ မစိုပြေ ၊ ညိုတိုတို ပုံတုံးကြီး မယ်ဂုတ်ကျား ခမျာ နှလုံးပီတိ ဂွမ်းဆီထိ သလို ဘဝင်ခိုက် ပါလို့  အရူးအမူးကြိုက်ကာ ခပ်မိုက်မိုက်ပဲ ပုံအပ်မိပေလေတော့ ကိုယ့်ထိုက်နဲ့  ကိုယ့်ကံ လို့ သာ သဘောထားလိုက်ရတော့သည်ပေါ့ ။

ညားကာစမှာတော့ မိုးမမြင် လေမမြင် အပျော်ကြီးပျော်လို့  ၊ အမှိုက်ပုံတကာ တိုးဝှေ့ ကာ ရှာစားရတာတောင် နတ်သုဒ္ဒါ တမျှ ထင်လှပါသည် ။ အိမ်ထောင်သက်ကလေး ရလာတော့ ၊ သားတွဲလောင်း သမီးတွဲလောင်း ပေမဲ့  ခင်ပွန်းကောင်း မပီသတဲ့  ကိုအောင်နက် မှာ အကျင့်ဟောင်းကို မဖျောက်ဖျက် ။ အရက်ကလေးပါ စွက်လိုက်သေး မို့  လင်ဆိုးမယား တဖါးဖါး ဆိုတာ ဂုတ်ကျားမ အတွက် ဆိုကာပင် ထားလေသလားလို့  ပင် သူ့ ကိုယ်သူ ထင်မှတ်လိုက်ပါတော့သည် ။
အခုလည်း ကြည့်လေ လင်တော်မောင် ကိုအောင်နက် ၊ မှိုင်တွေတွေ ငိုင်ပေပေ နဲ့  ခွေးကတက် က မဆင်းတော့ ။

“ကိုအောင်နက်ရေ .. ထပါအုံးတော့ ။ ရှင့်မလည်း တနေ့  တနေ့  ၊ ခွေးကတက်မှာ အခန့်သား ဆန့် လို့  ၊ဒါကြောင့်မို့ လဲ ၊ ခွေးမ ထမီနား ခိုစား နေတယ် လို့  အပြောခံ နေရတာ ” ဂုတ်ကျားမ က မထိ တထိ ရိလိုက်သည်။
“ဟ..သေချင်တယ်.... မင်းကလည်း .. ခုခေတ် မှာ ထမီနား ခိုစားတယ် လို့  ပြောလို့ မရတော့ဘူး ကွ ”
“ဘာလို့ လည်း ။ ရှင်က ဘာအလုပ်မှ မလုပ်ပဲ ပျင်းနေတာ ဒီလို မပြောလို့  ဘယ်လို ပြောရအုံးမှာလည်း ”
“ ခု ငါတို့  ရွှေပြည်ကြီးမှာ မင်းတို့  မိန်းမတွေ ။အဲ့ လေ ။ ခွေးမတွေ ထမီမှ မဝတ်ကြတော့ တာလေ ။ ဒီတော့ ငါ့ကို ထမီနား ခိုစားတယ် ပြောလို့  ဘယ်ရ မလဲကွ ”
“ ထားပါတော့ ရှင်နဲ့  စကားနိုင်လုမပြောချင်ဘူး ။ စားဖို့ သောက်ဖို့ က လုပ်ရ အုံးမယ် ။ မီးကလဲ မလာ ။ ရေကလဲ ပျက် နဲ့  အိမ်အလုပ်ကလေးများ ဝိ်ုင်းလုပ်ပါအုံးလား ”
“ သေချင်တယ် ကွာ ၊ ဒီအလုပ်တွေ က မင်းတို့  အိမ်ရှင် မတွေ လုပ်ရမဲ့  အလုပ်ပဲ ဟာ ”
“ဘာသေချင်တာလဲ ။ ရှင့်လို သာ ထိုင်ညီး တိုင်း ၊ လုပ်စရာ အလုပ်တွေ ပြီးသွားမယ်ဆိုရင် ကျုပ်က ရှင့်ထက် ညီးတတ်သေးတယ် တော့ ။ တနေ့  တနေ့  ၊ ဈေးဝယ် .. အဲ့လေ အမှိုက်ပုံ သွားဆွဲ ။ ထမင်း ဟင်းချက် ။ တံမျက်စည်းလှည်း၊ အိမ်ရှင်း ။ အဝတ်လျှော် ။ မီးပူတိုက် ၊ တခုပြီး တခု ဇယ်ဆက်သလို လုပ်နေရတာ ”
“ အေးလေ ။ ဒါတွေက ငါ နဲ့ မှ မဆိုင်တာ ။ သေချင်တယ် ။ ဘာတွေ လာပြောနေမှန်းမသိ ။သောက်စရာ မရှိလို့  စိတ်ညစ်နေရတဲ့ အထဲ ကွာ..”
“ အော် ။ အလုပ် မလုပ် ပဲ ဘယ်က ပိုက်ဆံရ လို့  ဘာနဲ့သောက်ရ မှာတုံး ၊ သေချင်လဲ လွယ်ပါတယ် ။ အဆိပ်နဲ့ မခြားတဲ့  ချက် အရက်တွေ ၊ အင် အရက်တွေ များ . ပုံ လို့  ”
ဂုတ်ကျားမ တကယ် စိတ်ဆိုးနေမှန်း သိလို့  အောင်နက်ကြီး က စကားနဲ ရန်စဲ သဘောနဲ့ ဘာမှ ဆက်မပြောတော့ ။ လက်ထဲရှိ ရေဒီယို အဟောင်းလေးတလုံး ကို ဟိုလှည့်  ဒီလှည့် နဲ့  အာရုံပြောင်းလိုက်သည် ။ ဘောပွဲ နားထောင်လိုက် ၊ ချဲ လိုင်း ဖွင့်လိုက် နဲ့  ဂနာ မငြိမ် ဖြစ်နေသော အောင်နက်တကောင် ရုတ်တရက် ထ အူ လိုက်သဖြင့် ဂုတ်ကျားမ ခမျာ လန့်သွားရပြန်သည်။
“သေချင်တယ် ကွာ.. သေချင်တယ် ”
“ ဘာဖြစ်ရပြန်တာလဲ ကိုအောင်နက်ရယ် ”
“ ဟ . ငါလောင်းထားတဲ့ ဘောပွဲလေကွာ ၊ နာမယ်ကြီး နိုင်ငံခြားနည်းပြတွေ ခန့်ထားတဲ့ အသင်း ၊ အဲ့သဟာ လေ။ သူ့ဖက်က ထပ်လောင်းထားတာ ။ခုတော့... သေချင်တယ် ။ သုံးလုံးထီ လဲ ကပ်လွဲ လေးကွာ .. တောက် ”
အောင်နက်ကြီး တောက်တခေါက်ခေါက်ဖြင့် မချင့်မရဲ ရှိနေတော့ ဂုတ်ကျားမ က အကွက်ကောင်း ရတဲ့ မျက်နှာပေးနဲ့
“ အဲ့ဒါပြောတာပေါ့ ။ ဘောလုံး ဆိုမှ လုံး နေတာပေါ့ရှင့် ။ အမြဲနိုင် နေရမယ် လို့ ဘယ်သူဟောထားလို့်လဲ ။ ခုတလော ဘောပွဲတွေ ချဲထီတွေ တရားဝင်ထီတွေ လှိုင်လှိုင် လုပ်ပေးနေတာနဲ့ ကျေနပ်နေကြတာကိုး ။ နဲတောင် နဲသေး ။
ရွှေ ရွာသားတို့ များ ပွဲလမ်းသဘင်လေး ။ လောင်းကစားလေး တွေ့ လိုက်တာနဲ့ ၊ ဘုရားမေ့ တရားမေ့ ။ အကုန်မေ့တော့တာ ပဲ ။ ဒီကြားထဲ ခွေးမဒန်းလေးတွေ ရှိတဲ့  အနှိပ်ခန်း နဲ့  ကာရာအိုကေ နဲ့ စိုပြေအောင် လုပ်ထားပေးကြသေးသတော့်။ ”
“ ဘာဆိုင်လဲ ကွ ”
“ ဆိုင်ပါသော်ကောလား ။ ၂၀၁၀ ရောက် နေပြီ ရှင့် ။ ခုထိ နိုးနိုးကြားကြားမရှိသေးဘူး ။ ကိုယ့်ရွာ အရေးလည်း ကိုယ်ကြည့်လုပ်ကြအုံး မှပေါ့ ။ကားပါမစ်တွေ ချပေးမယ် ၊ဆိုတာနဲ့ တကတည်း ကျုပ်တို့ တပြည်လုံး သာယာစိုပြေသွားမှာ ကျနေတာပဲ ။ ဖုံးခ၊ မီးခတွေလည်း တက် ၊ အခွန်အတုတ်တွေကလည်း တိုးကောက်အုံးမတဲ့ ၊ အဆိုတော်တွေဆီက တောင် အခွန်တွေ ကောက်နေပြီဆိုလား... ”
“ သေချင်တယ် ဆိုမှ ကွာ ။ ငါ့တကောင်ထဲ နဲ့  ဆီ မထွက်ပါဘူး ။ အဲ့လေ နှမ်းတလုံး နဲ့  ဆီမထွက် ပါဘူး ”
“ ကဲ ..သေချင်တာ ထားအုံး နောက်မှ ။ ခုလောလောဆယ် ရှင် အောင် လုပ်ဖို့ သတိရအုံး ။ ဒီနေ့  နေ့လည် မီးပျက်မယ်။”
“ မီးပျက်တာများ အဆန်းလုပ်လို့  ပြောနေရသေးလား ။ မီးမလာရင် ရေလဲ မလာ ။ ဒီတော့ အဝတ်ကလေးလျှော် ၊ ရေလေးခပ် ။ သောက်ရေလေးဖြည့် ။အိမ်လေး ဘာလေးရှင်း လို့ ပြောအုံးမှာ မဟုတ်လား ၊ မင်းတို့  မိန်းမတွေ များကွာ၊ သေချင်တယ် ”
“ သိရင်လည်း ကျုပ် မပြောရခင် ကိုယ့် အသိနဲ့  ကိုယ်လုပ်ပါလား တော့် ”
အောင်နက်ကြီး မထချင် ထချင်ဖြင့် ပျင်းရိစွာ တလှမ်းချင်းလျှောက်၍ အိမ်နောက် သို့  လာပြီး မီးစက် အဖွင့် ..
“ သေချင်တယ် ကွာ ။ ဒီ မော်တာ ကလည်း ပျက်ရပြန်ပြီ ။ အလကား အသုံးမကျ တဲ့ တရုပ်စက် ၊ တရက်စုတ် ပဲ ။ပြင်ပြီးလဲ တရက် နဲ့ တင် ပြန်စုတ်ပါရောလား ။”
“ ကဲ ..ရှင်လဲ ဒီလို နဲ့ တရားအားထုတ် တရုပ်အားထား မနေနဲ့  ။ လက်မှု ပညာ တွေ တတ်ထားတာ ဘာလုပ်ဖို့ တုံး ။ ရေခပ်တာများ လက်နဲ့  ဆွဲတင်ပေါ့ တော့် ။ မီတာ တောင် အကုန် သက်သာသေး ။ မီတာခ တွေလည်း တက်ပြီးရင်း တက် နဲ့  ကျုပ်လဲ သေချင် လာပြီ ”
“ ဟ.. ငါ့စကားက မင့်ပါးစပ်ဖျားထိ ဓါတ်ကူးသွားပါရောလား ၊ မီးမလာ တဲ့ ည စောစောအိပ်ရတယ် လို့  အကောင်းဘက်ကလှည့်တွေးပါလား ကွ ၊ မီးပျက်တော့ မင်း ..သား နဲ့ သမီး အင်တာနက်လည်း ဝင်မဆော့ဖြစ်ကြတော့ မျက်စိပျက် သက်သာတယ်ကွာ ။ ပိုက်ဆံ ကုန် သက်သာတယ်ကွာ .. ”
“ကျုပ်က စကားအရ သာငြီး မိတာပါတော် ။ ကျုပ်တကယ်သေလို့ မဖြစ်သေးပါဘူး ။ ကျုပ်မရှိရင် ရှင့်လက်ထဲမှာ ကျုပ်သားနဲ့  သမီး သောင်ပြင်လွှတ်တဲ့  ခွေးစစ်စစ်ဖြစ်တော့မှာ မြင်ယောင်နေမိလို့  မသေနိုင်သေးဘူး ။ပြီးတော့ မရှိရတဲ့ အထဲ မသာစရိတ်လည်း တွေကလည်း တက်အုံးမတဲ့တော် ။”
“ ဟေ .. ဘယ်လိုတုံးကွ ရှင်းစမ်းပါအုံး ၊ ငါထင်နေတာက ခုတလော ပြည်သူပိုင်တွေကို ဟို ပုဂ္ဂိုလ်ကြီးများပိုင် အဖြစ် အလျှင်အမြန်ပြောင်းပစ်နေတဲ့ အထဲ ၊ ဒီ မသာလုပ်ငန်းကိုပါ သူ အပိုင်လုပ်ချင် နေပြီ မှတ်တာ ။”

“တော်ကလည်း လမ်းထိပ်လဖက်ရည်ဆိုင်မှာ တနေကုန် အလေလိုက်နေပြီး ဒါလေးတောင် မသိဘုးလား ၊ကဲရော့ ၊ ကျုပ်ကောက်လာတဲ့ သတင်းစာ အပိုင်းအစ ၊ ဒီမှာ ဖတ်ကြည့် ပါလား”


“ဂိန် ကိန် ကိန် . .. အောင်မလေး .. နေရကြပ် စားရကြပ်လို့ သေချင်ပါတယ် ဆိုကာမှ ခုတော့ သေဖို့ တောင် ခပ်ကြပ်ကြပ်ပါပဲလား ရှင်မရေ ၊ ငါသေရင် ဂင်္ဂါမြစ် .. အဲလေ.. လှိုင်မြစ်ထဲသာ ပစ်ချလိုက်ပါတော့ကွာ ။ ခွေးဖြစ်ရတဲ့ ဒုက္ခဗျာ ။ ”

“အေးလေ တော် ကျုပ်လည်း နောင်ဘဝဆက်တိုင်း ဒီလို နူရာဝဲစွဲ တဲ့  အိမ်သာဘေးရှင်း ခွေးမျိုး မဖြစ်ပါရစေ နဲ့ လို့  ဆုတောင်း နေတယ် ကိုအောင်နက်ရေ ..အာဝူးးးးး ”

ဒီနေရာမှ ရသော သတင်းတပုဒ်ပါ

ခေါက်ထားသေးသဗျ...

တိုးတိုးတိတ်တိတ် ကြိတ်ကြိတ်မှိတ်ကာ

ပျိုပျိုမေတွေရဲ့  ရင်တုန်စရာ အကြောင်းတွေချည်းပဲ ရေးနေရတာ သိပ်တော့ မဟုတ်သေးဘူး ။ ကိုကိုတွေ ရဲ့  ရင်ဖိုစရာ အကြောင်းလေးတွေလည်း ရေးရင် ကောင်းမလားလို့  စဉ်းစား မိတာနဲ့ ဒီတခါတော့ ကိုကို မောင်မောင် ဦးဦး ဘဘ တွေ အတွက် ဒီအကြောင်းလေး ရေးလိုက်တယ် ။ ဒီ ခေါင်းစဉ် ကို ကြည့်ပြီး ရင်ခုန်ဘွယ်ရာ ချစ်ဇာတ်လမ်းလေး တခု ဖတ်ရမလား လို့ ထင်နေရင်တော့ မှားပါလိမ့်မယ်။ သူ့ အကြောင်းက တိုးတိုး တိတ်တိတ် နဲ့ လက်တို့ ပြီး ပြောပြရ မလား ။ ကြိတ်မှိတ်ပြီး အောင့်အည်းနေရမလား ။ တိတ်တိတ်လေး နဲ့  ကြိတ်ကြိတ်ပြီး ပြရမလား ၊ ကုသရမလား လို့  ထင်ယောင်မှား ဖြစ်စေတဲ့ ဆီးကြိတ် လေး အကြောင်း မို့  ဒီလို ကဗျာ ဆန်ဆန် နာမယ် ပေးကြည့် မိပါတယ် ။ ဒါပေမဲ့ ဒီ အကြိတ်ငယ်ငယ်လေးက တကယ် ဒုက္ခပေးလာခဲ့ရင်တော့ ဘယ်သူမှ ကဗျာဆန်နိုင်တော့မယ် မထင်မိပါဘူးလေ။ အနောက်မှာ ပုံနဲ့တကွ ဖေါ်ပြထားတာမို့  ရှက်တတ်သူများ ကျော်ဖတ်ကြပါ ရန် ။

ပုရိဿ အမျိုးသားတွေ ကို အများဆုံး ဒုက္ခပေးတတ်တဲ့ အရာလေးကတော့ ဆီးကြိတ်ပါ ၊ဗမာလို မသင်ခဲ့ရတဲ့ သူတွေကတော့ Prostate လို့ ပြောမှ သိကြမယ်ထင်ပါတယ် ။ အသက်ကြီးလာတာနဲ့  အမျှ အဲ့ဒီဆီးကြိတ်က တမျိုးမဟုတ် တမျိုး ပြသနာ ရှာလာတတ်တယ် ။ ရိုးရိုးဆီးကြိတ်ကြီးထွားလာ တာက Benign Prostate Hyperplasia အတိုကောက် BPH လို့ ခေါ်ပြီး သူက ဆီးသွားရ ခက်ပြီး ဆီးအိမ်တင်းတာ ၊ ဆီးမထွက် နိုင်တာတွေ ဖြစ်တတ်တယ် ။ ဆီးကြိတ်အရွယ် သိပ်ကြီးမားပြီး ဆီးပြွန်ကို ဖိလာရင်တော့ ခွဲစိတ်ကုသရပါတယ်
နောက်တမျိုးဖြစ်ကြတာကတော့ ဆီးကြိတ်ကင်ဆာ တဲ့ ၊ တချို့ က Prostate Cancer လို့  ပြောမှ သိမယ်ထင်တယ် ။ အတိုကောက် ရေးကြတာကတော့ Ca Prostate ပေါ့ ။ တကယ်လို့ ဆေးရုံဆေးခန်းရောက်လို့  ဆရာဝန်က ဆေးစာရွက်မှာ ဒီလိုရေးထားရင် သိရအောင်လို့ ပါ ။
ဆီးကြိတ်ဆိုတာ သစ်ကြားသီး ( Walnut ) အရွယ်အစား လောက်ပဲ ကြီးပြီး၊ အမျိုးသားတွေ မှာရှိတဲ့ ၊ ဆီးအိမ် ( Bladder) ရဲ့ အထွက် ၊ ဆီးပြွန် ( urethra ) ပတ်လည်မှာ ခွထိုင်နေတဲ့ အကြိတ်တခုပါ သူ့ အထဲမှာ အကြိတ်ငယ်လေး ၅ ဖု ရှိပါတယ် ။ တည်နေရာ နဲ့ တည်ဆောက်ပုံကတော့ ဒီပုံလေး အတိုင်းပါ ။

American Cancer Society's မှ စစ်တမ်းအရ ၂၀၀၉ ခုနှစ်မှာ အမေရိကန်နိုင်ငံမှာ ဆီးကြိတ်ကင်ဆာ ဖြစ်သူ လူနာသစ်ပေါင်း ၂ သိန်းနီးပါး ( ၁၉၂၂၈၀ ယောက် ) နဲ့ သေဆုံးသူပေါင်း ၂သိန်းရသောင်းကျော်( ၂၇၃၆၀ ယောက် ) ရှိပါတယ် ။ အဆုပ်ကင်ဆာ ကြောင့် သေဆုံးသူက အများဆုံးဖြစ်ပြီး ဆီးကြိတ်ကင်ဆာကြောင့်သေဆုံးမှု က ဒုတိယ အများဆုံးဖြစ်တယ် လို့  ဆိုပါတယ် ။ ဒီတော့ အမျိုးသား ၆ ယောက်မှာ ဆီးကြိတ်ကင်ဆာဖြစ်သူ တယောက် နှုန်း ရှိနေပါတယ် ။

အသက်အရွယ် ၆၅နှစ်ကျော်လာတဲ့ အမျိုးသားတွေမှာ ဒီဆီးကြိတ်ကလေးကနေ ကင်ဆာဖြစ်ဖို့  အလားအလာတွေ ရှိတတ်လာပါတယ်။ဖြစ်စေတတ်တဲ့ အကြောင်းရင်းကို သေချာ မသိကြသေးပေမဲ့ လေ့လာတွေ့ ရှိချက်အရတော့ . အမျိုးသား ဟော်မုန်း (androgens)များသူတွေ ။ မျိုးရိုးထဲမှာ အလားတူကင်ဆာရှိသူတွေ ၊ အသားမဲသူတွေ ၊ အဝလွန်သူတွေ မှာ ဖြစ်နိူင်ခြေများတတ်ပါတယ် ။ တချို့ ကလည်း ဆီးကြိတ်ကင်ဆာဆဲလ် တွေရဲ့  DNA ပြောင်းလဲ မှု ကြောင့် ဖြစ်တယ်လို့  ယူဆကြပါတယ် ၊

ရောဂါလက္ခဏာတွေကိုကြည့်မယ်ဆိုရင်
(၁) ဆီးသွားရ ခက်ခဲမယ် ( Trouble urinating )
(၂) ဆီးညှစ်သွားရပြီး ဆီးအရှိန် လျော့နည်းလာမယ် ( Decreased force in the stream of urine )
(၃) ဆီးထဲမှာသွေးပါမယ် ( Blood in your urine )
(၄) ဆီးထဲမှာ သုတ်ရည်ပါလာမယ် ( Blood in your semen )
(၅) ခြေထောက် ဖေါယောင်မယ် ( Swelling in your legs )
(၆) တင်ပဆုံညှပ်ရိုး ဝန်းကျင်မှာ မအီမသာ ခံစားရမယ် ( Discomfort in the pelvic area )
(၇) အရိုးတွေ ကိုက်ခဲ နာကျင်မယ် ( Bone pain )

အဲ့ဒီလို ရောဂါလက္ခဏာရှိနေပြီဆိုရင် ဆီးလမ်းကြောင်း ကျွမ်းကျင်သူဆရာဝန်များနဲ့ အမြန်ဆုံးပြသပြီး လိုအပ်တဲ့ ကုသမှုတွေ ယူသင့်ပါတယ် ။ ကာကွယ်ခြင်းသည် ကုသမှုထက်ကောင်းသည် လို့ ဆိုပေမဲ့ ဒီဆီးကြိတ်ကင်ဆာက ကာကွယ်လို့ မရသေးပါဘူး ။ဒါပေမဲ့ စောစောသိရင်တော့ စောစောကုသမှု ယူနိုင်ပြီး ပျောက်ကင်းဖို့  အခွင့်အရေး ရှိနိုင်ပါသေးတယ် ။ သိပ် နောက်ကျသွားခဲ့ရင်တော့ ကင်ဆာတို့ ရဲ့  ထုံးစံအတိုင်း ကုသလို့  မရတော့ဘူးပေါ့ ။

စစ်ဆေးခြင်းပြုလုပ်ပုံတွေကတော့
(၁) စအိုဝထဲ လက်ချောင်းသွင်းပြီး ဆီးကြိတ်ကို စမ်းသပ်လို့ ရပါတယ် ။ Digital rectal exam (DRE). လို့ ခေါ်ပါတယ်

(၂) သွေးထဲမှာ ပါတဲ့ ဓါတ် တမျိုး ၊ Prostate-Specific Antigen (PSA) ကို သွေးရည်ကြည်ထဲမှာ စစ်ဆေးကြည့်လို့ ရပါတယ် ။ ပုံမှန်ဆိုရင် အလွန် နည်းပါးတဲ့ ပမာဏ သာရှိပါတယ် ။ များသောအားဖြင့် 4.0 ng/mL ထက်နဲပါးရင် ပုံမှန်လို့  သတ်မှတ်ပါတယ် ။ဒါကလည်း အသက်အရွယ်အလိုက် အနည်းအများ ကွာခြားမှုတွေ ရှိပါသေးတယ်။ ဒါ့အပြင် တချို့ လူတွေမှာ ဆီးကြိတ်ယောင်ခြင်း (prostatitis ) နဲ့ ဆီးကြ်ိတ်ကြီးထွားခြင်း(BPH) တွေမှာလည်း PSA ပမာဏ အနည်းငယ်စီ တက်နေတတ်ပါတယ် ။

ခန္ဓာကိုယ်ထဲရှိ အခြား အရည်များထဲမှာ ပုံမှန် PSA ပါဝင်မှု ပမာဏ (ng/mL) တွေ ကို အောက်မှာ ဖေါ်ပြထားပါတယ် ။
-သုတ်ရည် (semen) ထဲမှာ--- 200,000 to 5.5 million
-ဝမ်းတွင်းရှိ သန္ဓေသားရဲ့ ရေမွှာရည် (amniotic fluid ) ထဲမှာ ---- 0.60-8.98
-နို့ ရည် (breast milk ) ထဲမှာ---- 0.47-100
-တံတွေး (saliva ) ထဲမှာ ---- 0
-အမျိုးသမီးရဲ့  ဆီး (female urine) ထဲမှာ----- 0.12-3.72
-အမျိုးသမီးရဲ့  သွေးရည်ကြည် (female serum) ထဲမှာ---- 0.01-.53

ဒီလို သွေးစစ်လို့  PSA များနေခဲ့ရင်လည်း ကင်ဆာလို့  တထစ်ချ မသတ်မှတ်နိုင်သေးပါဘူး။ ဆက်ပြီးတော့ စစ်ဆေးမှုတွေ လုပ်သင့်ပါတယ် ။ စအိုဝမှတဆင့် အာထရာဆောင်း တီဗွီ ရိုက်ပြီး စမ်း သပ် ခြင်း (transrectal ultrasound ) ၊ ဆီးကြိတ်မှ အသားစ ( biopsy ) ယူပြီး စစ်ဆေးခြင်း တွေကို လုပ်နိုင်ပါတယ်။
ခုဆိုရင် အသက် ၅၀ ပြည့်ပြီးသူ အမျိုးသားတိုင်း သွေးစစ် ပြီး PSA ပမာဏကို နှစ်စဉ်စစ်ဆေးဖို့  နိုင်ငံအတော်များများမှာ ကျန်းမာရေးဝန်ဆောင်မှုတွေ ပေးနေပြီဖြစ်ပါတယ် ။ နိုင်ငံနဲ့  လူမျိုးစုကိုလိုက်ပြီး ၊ မျိုးရိုးထဲမှာ ဒီလိုကင်ဆာ ရှိခဲ့သူများအတွက်တော့ အသက် ၄၀ ကျော်ရုံနဲ့တင် စစ်ဆေးမှုတွေ ပေးနေကြပါပြီ ။တချို့ လူအနည်းငယ်မှာ PSA ပမာဏပုံမှန်ပေမဲ့  ဆီးကြိတ်ကင်ဆာဖြစ်နေသူများကိုပါစမ်းသပ်တွေ့ ရှိရလို့  သွေးစစ်တာတမျိုးတည်းနဲ့တင် မလုံလောက်သေးပါဘူး ။ ဆီးထဲမှာ UPM-3 နဲ့ သွေးထဲမှာ EPCA-2 စတဲ့ ဓါတ်တွေကိုပါ စစ်ဆေးကြည့်မှ ပိုပြီးစိတ်ချရမှာ ဖြစ်ပါတယ်။

အောက်မှာပြထားတဲ့ပုံကတော့ ဆီးကြိတ်ကင်ဆာ ပါ ။



ရောဂါ အနုအရင့် ( အဆင့်ခွဲခြားခြင်း ) မှာ အကြမ်းအားဖြင့် အဆင့် ၄ ဆင့်ရှိပါတယ် ။ အသေးစိတ်ကိုတော့ မဖေါ်ပြတော့ပါဘူး ၊ စိတ်ဝင်စားပါက ဒီနေရာမှာ ဆက်လက်လေ့လာ နိုင်ပါတယ် ။ ရောဂါရင့်လေ ကုသမှုအတွက် အလားအလာ မကောင်းလေ ဆိုတာလောက်ကတော့ လူတိုင်း သိနားလည်ပြီးဖြစ်မှာပါ ။

ဒီလို ကင်ဆာ ဖြစ်နေပြီဆိုရင်တော့ အဆင့် အလိုက် ကုသမှုတွေ ယူသင့်ပါတယ် ။ အဓိက ကတော့ ခွဲစိတ်ကုသခြင်း ပါပဲ ၊ ဒါ့အပြင် အနုမြူ ဓါတ်ရောင်ခြည် နဲ့ကုသခြင်း (Radiation therapy ) ၊ ဟော်မုန်းဖြင့် (Hormone therapy ) ကုသခြင်း၊ ကင်ဆာဆေးသွင်းကုသခြင်း ( chemotherapy ) စတာတွေ နဲ့ ကုသနိုင်ပါတယ် ။တချို့ ကျတော့ ချက်ချင်းခွဲစိတ်ကုသမှု မပေးသေးပဲ active surveillance အနေနဲ့  ဆက်လက် စောင့်ကြည့်ပြီး အချိန်မှန်စမ်းသပ်စစ်ဆေးခြင်း တို့ ပြုလုပ်ကြပါတယ် ။

သက်ဆိုင်သူများ သတိတရ အရေးတယူ ကြိုတင် စစ်ဆေးပြီး ကျန်းမာစွာ အသက်ရှည်နိုင်ကြပါစေ ။

အကြောင်းအရာများကို ဒီနေရာများ (၁) နဲ့ (၂) များမှ ရယူပါတယ်

ခေါက်ထားသေးသဗျ...

အရှေ့ ကို လျှောက်ပါလို့ .. အနောက်ကိုတဲ့  မျှော်လိုက်ရင် ။

ဒီခေါင်းစဉ်တပ်ပြီး ရေးတဲ့ အကြောင်းက ရှင်ပြု အလှူဇာတ်လမ်းတခုတော့ မဟုတ်ပါဘူးလို့  ဦးဆုံး ပြောပါရစေ ။အရှေ့ကို လျှောက်နေကြသူများ အနောက်ကို မျှော်ကြည့် သင့်သလား ။ တချို့ က ပြောကြတယ် ။ ရှေ့့ ဖက်တူရှုပြီး လျှောက်နေမှ ဘာလို့ နောက်ကို ပြန်လှည့်ကြည့် နေရ အုံးမလည်း တဲ့ ။ ရဲရဲသာဆက်လျှောက် ပါ တဲ့ ။တုံးတိုက်တိုက် ကျားကိုက်ကိုက် လုပ်မှာပဲ တဲ့ ။ဗူးဆို ဖရုံ မသီးဘူး တဲ့ ။
ကိုယ့်အမြင်ကတော့ အတိတ် ၊ ပစ္စုပ္ပန်၊ အနာဂတ် အားလုံး ဟာ ဆက်စပ်နေသင့်တယ် ထင်ပါတယ် ။ ရှေ့ဆက်လျှောက်ရမဲ့ လမ်း အတွက် အနောက်မှ ပြီးခဲ့တဲ့ အဖြစ်အပျက် အရာအားလုံးကို ပြန်မျှော်တွေးပြီး ယူသင့်တဲ့ သင်ခန်းစာ တွေ ၊ မှန်ကန်တဲ့ အတွေးအခေါ် တွေ နဲ့ ချင့်ချိန်ပြီး ရှေ့ဆက်ရမဲ့ လမ်းမှန်ကို အောင်မြင်စွာ လျှောက်လှမ်းကြရမယ်လို့  ထင်ပါတယ် ။


“တောမီးလောင်တုန်း၊ တောကြောင်လက်ခမောင်း ခတ်”ခဲ့ကြတဲ့ သူတွေ ။ “ပွဲလန့်တုန်း ဖျာခင်းခဲ့ကြသူတွေ” ကြောင့် တို့ တတွေရဲ့  ခရီးလမ်းကြီး မကြမ်းသင့်ပဲ ကြမ်းခဲ့ ကြရတယ် ။မရှည်သင့်ပဲကြာရှည်ခဲ့ကြရတယ် ။မဆုံးရှုံးသင့်ပဲ ဆုံးရှုံးခဲ့ကြရတယ် ။ “ကြွက်သေတခု အရင်းပြု ”လို့ ရလာတဲ့ ရန်ပုံငွေ ဆိုတာတွေ နဲ့  စည်းစိမ်ယစ်နေကြသူများက လည်း တမှောင့် ။အတိတ်မှာ တို့ တိုင်းပြည်အတွက် ဘာတခုမှ မဆောင်ရွက်ခဲ့  ပဲ နဲ့ ၊ ခု ၂၀၁၀ ရောက်မှ ဘယ်ဝန်ကြီးချုပ်ရဲ့  သားမို့ လို့  ၊ သမီးမို့ လို့  နဲ့  ၊ခါတော်မှီ ပါတီတွေ ဖွဲ့  ။ကွဲလိုက်ကြ ပြဲလိုက်ကြ ၊ဘေးကကြည့်သူတွေ တောင် “ ယိုသူမရှက် မြင်သူရှက် ” ရတဲ့  အဖြစ်မျိုး တွေ့ နေကြရတာ စိတ်ပျက်စရာပေပဲပေါ့ ။ “ နွားကွဲတော့ ကျားကိုက်” သတဲ့ ။ နွားဇာတ်သွင်းခံထားခဲ့ရတဲ့ တို့ တတွေ ဘာလို့ များ မစည်းလုံးနိုင်ကြရတာလည်း ။ ဒီလိုပုံ နဲ့ ရှေ့ ဆက်လှမ်းရမဲ့  ခရီးလမ်းကြမ်းမှာ မလွဲမသွေ တွေ့ ရအုံးမဲ့ အခက်အခဲတွေကို ဘယ်လို ကျော်လွှားနိုင်ကြမှာလည်း လို့  တွေးနေမိတယ် ။ ရင်မောမိတယ် ။

"If you choose to do something, then you shouldn't say it's a sacrifice, because nobody forced you to do it"
{Aung San Su Kyi }

တို့ အားလုံးရဲ့ သူရဲကောင်း ဒေါ်စု ပြောသလို ပါပဲ ။ မည်သူမျှ ဖိအားပေး တိုက်တွန်းခြင်းကြောင့်မဟုတ်ပဲ၊ မိမိကိုယ်တိုင် ရွေးချယ်ပြုလုပ်ခဲ့မှု တခုကို စတေးခြင်း၊ စွန့် လွှတ်ခြင်း လို့ မယူဆ သင့်ကြပါဘူး ။

အလုပ်တခုကို မလုပ်ခင် လုပ်သင့်မလုပ်သင့် မှန်ကန်စွာ စဉ်းစား ဆုံးဖြတ်နိုင်အောင် အတိတ်ကို ပြန်လေ့လာ သုံးသပ် ပြီး ၊ ရှေ့ သို့  ဆက်လှမ်း နိုင်ကြပါစေ ။

ဒီအောက်က မျောက်နှစ်ကောင်လို စသလို နောက်သလို နဲ့  ၊တို့ လိုက် ထိလိုက်နဲ့  အပျက်ပျက်နဲ့  နှာခေါင်းသွေးထွက်မှာကို တို့ တတွေ မမြင်ချင် မကြုံ ချင်တော့ပါဘူး ။ အရှေ့ ကို လျှောက်ပါလို့  အနောက်ကိုလည်း မျှော်ကြည့် လိုက်ကြစမ်းပါ အုံး. လို့ ပဲ ..
...........................................................................................

“ ဟေ့... ဟေ့... ဟေ့ကောင် .. ဟိုမှာကြည့် ”
“ ဟေ.. ဘာလည်း ။ဘယ်သူလည်း ။ဘယ်မှာလည်း ။”
“ဪ .. ဒီမှာလေ ။ ငါခေါ်နေတာ ကွ ။ ဟို ဘက်ကို ကြည့်လိုက်စမ်းပါအုံး လို့ ဆိုနေတာကို ”
“ ဟမ် ။။ ဘယ်သူလည်းကွ ။ နောက်ကနေ လာ လာ တို့ နေတဲ့ကောင် ။ ရှေ့ ကြည့် နေတာ မမြင်ရတဲ့ အထဲ မင်းက တမှောင့် ကွာ ”
(သြော် .. ကောင်းပေစွ ၊ ကောင်းပေစွ ။ ၂၀၁၀ ရောက်တော့ မျောက်တွေ တောင် အရှေ့ ကြည့် ရမလို ၊ အနောက်ကြည့်ရမလို နဲ့ ဖြစ်နေကြပြီ ။ မတော်.. ပြုတ်ကျလို့  ထိုင်နေတဲ့ သစ်ကိုင်းလေး လွတ်သွားမှ ဖြင့် ၊“မျောက်သစ်ကိုင်းလွတ်” လို့  ပြောခံရတော့မှာပဲ ။ )

ခေါက်ထားသေးသဗျ...

အရှေ့ ကို လျှောက်ပါလို့ ..

ပြည်ထောင်စု မြန်မာနိုင်ငံတော်ကြီး အား အဖက်ဖက်မှ ခေတ်မီ တိုးတက် သာယာ ဝပြောသော စက်မှုအခြေခံ လူ့ဘောင်သစ် ကြီးဆီသို့  ဆက်လက်ချီတက်နိုင်ရေးအတွက် လမ်းညွန်မြေပုံကြီး အား ခေတ်အဆက်ဆက် တလက်ပြီးတလက် လွှဲပြောင်း ရေးဆွဲနေပါသည် ။
ရဟန်းရှင်လူ ပြည်သူအပေါင်းတို့  ဆန္ဒတွေ မစောကြစေလိုပါ ။ တနေ့ နေ့ တော့ ရောက်ရမည်မှာ မလွဲပါ ။

ကျောက်မီးသွေးကနေ မီးအားလျှပ်စစ်ထုတ်ပြီး ရန်ကုန် မြို့ တော်ကြီး မီးတွေ ထိန်ထိန်လင်းတော့ မတဲ့ ။ အနှစ်နှစ်အလလက ပျက်စီးနေတဲ့ လမ်းတွေကို ခါတော်မီ အဖွဲ့ ကြီးမှ ဦးဆောင်ပြီး အခမဲ့( အလှူခံ ) ဆိုင်းဘုတ်ကြီးတွေထောင်ကာ အမြန် ပြင်ဆင်ပြီးလို့ ၊ တို့ ရွှေရွာသားများ ညက်ညော နေတဲ့ လမ်းမကြီးတွေအပေါ်မှာ၊ ဈေးနှုန်းချိုသာ မော်ဒယ်မြင့် ကားသစ်ကြီးတွေ စီးရတော့မတဲ့ ။ ဟန်းဖုန်းကိုယ်စီ နဲ့ ဗုံးဘောလအော စကားတွေ လှိုင်လှိုင်ပြောကြရအောင် ဆင်းကပ် နဲ့ ဆဲဖုံးတွေ ရောင်းချပေးလို့  အဆင့် မြင့် ဆက်သွယ်ရေး ဝန်ဆောင်မှုတွေ ရကြတော့မတဲ့ ။ အမျိုးသမီး လေယာဉ်မှူးအလှပဂေး လေးတွေ မောင်းနှင်ပေးတဲ့  လေယာဉ်ကြီးတွေနဲ့  ဝေဟင်ခရီးမှာ မသေခင်စီးကြရတော့မတဲ့ ။
( ခုတလော မြင်မက်မိသော ဆောင်းတွင်း အိပ်မက် ဂယောက်ဂယက်များ ဖြစ်ပါကြောင်း.... )

ခေါက်ထားသေးသဗျ...

လှချင်ရက် စက်စက်ယို......

“လှတာမက်တော့ ညစာခက်တယ်”လို့  ဆိုကြပေမဲ့ ၊ ညစာ ခက်တာ မခက်တာ အရေးမကြီးဘူး လှဖို့သာ အဓိက လို့ ယူဆနေကြသူတွေ တစထက်တစ များပြားလာနေကြပါပြီ ။ပျိုပျို အိုအို ကျားကျား မမ လှချင်ပချင်ကြတယ် ။တချို့့ တလေကျတော့ ရှေးကုသိုလ်ကံ အကျိုးပေးကောင်းတော့ ပပဝတီ မဒ္ဒီသမ္ဗူလ လို့ တောင် တင်စားရတော့မလို သဘာဝ အော်ရီဂျင်နယ် လှတပတ လေးတွေမို့  ရုပ်ရည်လေး အရင်းပြုကာ၊ အသံလေး အသုံးချကာ နဲ့ နာမည်ကျော်ကြား လူကြိုက်များ ကြရပေသပေါ့ ။ ကံအကျိုးပေး ချို့ တဲ့သူများကြတော့ မလှ မပ နဲ့ ပေမဲ့ အားငယ်နေစရာတော့ မလိုလှပေဘူး ။ ခေတ်ကာလကြီးက တိုးတက် လာတော့ ပလပ်စတစ် ဆာဂျရီ ၊ ခွဲစိတ်ပြုပြင်ပြီး လှတ ပတ ဖြစ်အောင် လုပ်ယူ လို့ ရနေကြပါပြီ ။ပိုက်ဆံသာရှိ ၊ လူတကိုယ်လုံး လိုသလို ပြုပြင်လို့ ရနေပါပြီ ။ ခုခေတ်စားနေတဲ့ ကိုရီးယား မင်းသမီးချောလေးများမှာ မျက်လုံး၊ မျက်ခုန်း၊ နှာခေါင်း ၊ ပါးစပ် ၊တမျက်နှာလုံးနီးပါး အော်ရီဂျင်နယ် အလှဆိုတာ မရှိသလောက်လို့ ဆိုရအောင် တမျိုးမဟုတ် တမျိုးက ပြုပြင်ပြီးသားတွေ ဖြစ်နေကြပါပြီ ။ ဒါတင်မက ရင်တို့  တင်တို့  မှာလည်း အခုတွေ အခံတွေ အမျိုးမျိုး နဲ့ ပုရိဿ တို့  ဘဝင်ဖို ရင်ခုန် ရလေအောင် လှည့်စားလို့ ရနေကြတော့ ဒီခေတ်ကြီးမှာ လူဖြစ်ရတာလည်း ခပ်ကောင်းကောင်းပါပဲ ။

မိဘပေးထားတဲ့ ခန္ဓာကိုယ်အတိုင်း မနှစ်သိမ့်နိုင်ကြသူတွေ ၊ရတာမလို ၊ လိုတာမရ ကြသူတွေ ထဲ ၊ အထူးသဖြင့် ရင်သားကြီးချင်သူ မိန်းမသားများဟာ ရင်သားအလှ ခွဲစိတ်ပြုပြင် ခုခံကြပါတယ် ။(ခုခံတယ် ဆိုတာ ရင်သားကြီးအောင် Silicone gel တို့  ၊ အငန်ရည်(saline liquid) တို့ ဖြည့်သွင်းထားတဲ့ ရင်သားပုံသဏ္ဍန် အိတ်ပျော့ပျော့ကို ရင်သား နေရာမှာ ခုပြီး ခံပြီး ခွဲစိတ် ခြင်း (augmentation mammoplasty ) ပေါ့ ။ အမြင်အရ ပိုလှလာတယ် ထင်ရပေမဲ့ မလိုလားအပ်တဲ့ ဆိုးကျိုးတွေ လည်းရှိတတ်ပါတယ် ၊ အဲ့ဒီ အိတ်က အကြောင်းအမျိုးမျိုးကြောင့် ပေါက်ပြဲ သွားနိုင်တယ်။အဲ့ဒီလိုပေါက်ပြဲသွားတဲ့အခါ silicone gel နဲ့အတူတွဲသုံးရတဲ့ အနည်းငယ်မျှသော Platinum ဟာ ရင်သား တစ်သျှူးထဲ စိမ့်ဝင်ပြီး အဆိပ်ဖြစ်စေတတ်တယ် ။ တချို့ တလေလည်း အလာဂျီ ၊ တချို့ လည်း ကာလကြာရင် ပုံသဏ္ဍန်ပြောင်းတာတိ်ု့  ၊ နေရာရွေ့ သွားတာတို့ ၊ ယောင်ရမ်းတာတို့  ၊အနာဖြစ်တာတို့ ဖြစ်လာတတ်တယ် ။
ဒါကတော့ ရင်ခေါင်းဓါတ်မှန်ပါ ။ အဖြူဝိုင်း အရိပ်၂ ခုက ခုခံပြုပြင်ထားတဲ့ ရင်သားနေရာပါ ။ ရိုးရိုးပုံမှန်ဆို ဒီလို ဝိုင်းစက်စက် အရိပ်ကို အပြည့် တွေ့ ရမှာ မဟုတ်ပါဘူး ။
Augmentation mammoplasty ကို လုပ်ရခြင်းအကြောင်းတချို့က ရင်သားကင်ဆာကြောင့် ရင်သားတခုလုံး ခွဲစိတ်ဖြတ်တောက်လိုက်ရသူ မိန်းမသားများအတွက် အလှအပ အနေနဲ့ ၊ စိတ်ပိုင်းဆိုင်ရာ ပြန်လည် ဖြည့်ဆည်းပေးလိုတဲ့  အနေနဲ့ အစားထိုး ကုသပေးခြင်း တမျိုးလည်း ဖြစ်ပါတယ်။
ဘာအကြောင်းကြောင့်ပဲ ဖြစ်ဖြစ် ၊ဒီလို ခွဲစိပ်ထားသူများ အကယ်၍ ကလေးမွေးလို့  မိခင်နို့ ချို တိုက်ကျွေးမယ်ဆိုရင် နို့့ထွက်စေတဲ့ ဂလင်း အကြိတ် တစ်သျှူးတွေကို ဒီရင်သားအတုက ဖိထားတဲ့ အတွက် နို့ သိပ်မထွက်နိုင်တဲ့ အခက်အခဲမျိုးတွေလည်း ရှိတတ်ပါတယ် ။

လှချင်ရက် စက်စက်ယို ၊ ပေါ့စေချင်လို့ ကြောင်ရုပ်ထိုး ဆေးအတွက် နဲ့ လေး ဆိုသလို ပြုပြင်ရင်းနဲ့  အခန့် မသင့်ဖြစ်သွားတဲ့ အခါများမတော့ ပြောကြတာက “ ပြင်လွန်းတော့ဖင်ချွန်းသတဲ့ ”။ ဘယ်လို ချွန်းသလည်းဆိုတာ သိလိုရင် ဆက်လက်ပြီး ရှုစားတော်မူကြပါ။
သမင်မျက်လုံး ။ကြာညိုနှုတ်ခမ်း နဲ့  ရုန်းကန်လှုပ်ရှား နှစ်လုံးသား ။

ဒီပုံလေးကြည့်ရတာ ဆပ်ကပ်ထဲက လူပျက် clown လေးရဲ့  နှုတ်ခမ်းလို ချစ်စဖွယ်လေးနဲ့ပေါ့ ။

နှုတ်ခမ်းလည်းနှုတ်ခမ်းပေမို့ ၊ ရင်သားလည်းရင်သားပေမို့  ..ထူထူထဲထဲ မို့ မို့ မောက်မောက်လေးတိုင်းလည်း လှမယ် ထင်နေကြပါသလား ။သူ့ အချိုးအဆနဲ့သူမှ ကြည့်ရတာ အဆင်ပြေပါလိမ့်မယ်

လူတယောက်တည်းပါ လို့ပြောရင် ယုံနိုင်ပါ့မလား ။ ပိုပြီးလှအောင်လို့  ပြင်လိုက်မိပါတယ် ။ခုတော့ ..ဘယ်ပုံက မပြုပြင်မီ နဲ့  ဘယ်ပုံက ပြုပြင်ပြီးလည်း ဆိုတာ နေရာပြောင်းပြန်ထားကြည့်ရင်တော့ အိုကေပါတယ်။

မခွဲစိတ်မီ နဲ့ ခွဲစိတ်အပြီး ဘယ်ပုံက ပိုလှပါလိမ့်..

သူ့ ကိုတော့ ဂီတ ဝါသနာအိုးများ သိကြမှာပါ ။တနေ့ တခြား အလှတိုးလာတယ် ဆိုတာ..(၉ နှစ်တာ ကွာခြားသွားတော့လည်း ရော့ရဲရဲဖြစ်တာ မဆန်းလှပေဘူး ။)၂၀၀၆ မှာ အတောင့်ဆုံး အချိန်ထင်ပါတယ်

ဗူးသီးနုနု မခူးရဆိုလို့  မနဲကြိုးစားလိုက်ရတာ ..ကဲ ခုတော့ ဗူးလေးရာ ဖရုံဆင့် ။ သူတို့ ရှေ့ ရေး ရင်လေးမိပါသေးတယ် ။

မာရီလင် မွန်ရိုးသာ တွေ့ ရင် ဘယ်လိုနေမလည်း လို့  ။

သူ့ အဖေါ်ခမျာ အစားအသောက် ပျက်မစိုးလို့  စေ့စေ့ မကြည့်ရဲရှာဘူး ထင်ပါ့ ။

နှစ်ပေါင်း ၂၅ နှစ်ကြာပြီ ဆိုတော့လည်း ဒီလောက်ထိန်းနိုင်တာ မဆိုးလှပါဘူး ။

သူလည်းလေ လောကီသားပေမို့  လှချင်ရှာ ပေလိမ့်မယ် ။ယောကျာင်္းမှာလည်း အသည်းနဲ့ပါ ။ညှို့ မျက်လုံးမှ မခို့ တရို့ မျက်လုံးတစုံ အဖြစ်သို့  ။

ဒီတော့ ဒီတော့ အလှပိုလိုသူ ပျိုပျို အိုအို၊ ကျားကျား မမ များ အတွက် ၊ ခေတ်စားနေတဲ့  ပလပ်စတစ် ဆာဂျရီ ဆိုတာ ကြီး ကို မလုပ်မှီ ၊ တော်၏ မတော်၏ စဉ်းစား ဆင်ခြင်တော် မူနိုင်ကြပါရန် ဝေမျှလိုက်ပါတယ် ။
ဒီပုံတွေကို ဒီနေရာမှ ရယူထားပါတယ်

ခေါက်ထားသေးသဗျ...

ရင်သားကင်ဆာ ကြိုတင်ရှာဖို့ ...

ရှေးအခါက အလှဘွဲ့  ပတ်ပျိုး ရေးသားကြသူများက ဥမ္မာဒန္တီ တို့  ၊ ပပဝတီ တို့ နဲ့တင်စားပြီး ဖွဲ့ ဆိုခဲ့ကြ တယ် ။ ခုခေတ် အခါကျတော့ အလှဒေဝီတွေ များမှများ ။ ဟောလိဝုဒ် မင်းသမီးကြီးတွေ ထဲမှာလဲ ညှို့ အား ကောင်းတဲ့ မာရီလင် မွန်ရိုးတို့  ၊ ဘရစ်ဂျစ် ဘားဒေါ့ တို့  ။ ဒေါ်လီပါတန် တို့  ဆိုရင် sexy ဖြစ်တယ် ဆိုပြီး လွန်လေပြီးသော အနှစ် များစွာက ခေတ်စား ခဲ့တာပ ။ ဒီဘက်ခေတ်ရောက်တော့ အင်ဂျလီနာ ဂျိုလီ တို့ ၊ပဲရစ်ဟီလ်တန် တို့ ဆိုလည်း ပုရိဿ တို့  အသည်းစွဲ ပေါ့ ။ များသောအားဖြင့် သူတို့ ရဲ့  ချစ်စဖွယ် မျက်နှာ နဲ့ မျက်ဝန်း စွဲညှို့ အားတွေကြောင့် ဖြစ်သလို ဖွံ့ ဖြိုး ထွားကြိုင်းတဲ့ ရင်သား များကြောင့်လည်း ဖြစ်တယ် ဆိုတာ သံသယဖြစ်ဖွယ် မရှိပါဘုး ။ ဒါကြောင့် အမျိုးသမီးများရဲ့  အလှအပဟာ ရင်သားပေါ်မှာလည်း အများကြီး အမှီပြုနေပါသေးတယ် လို့ ဆိုရပါမယ်။ ဒီလို လှပတဲ့ ရင်သားမှာ မလှမပ ကင်ဆာရောဂါကြီး တွယ်ကပ်လာတဲ့ အခါမှာတော့ အသက်ကိုတောင် ဒုက္ခပေးတတ်ကြတယ် ဆိုတာ အားလုံးသိထားကြပြီးသားပါ ။



ကာကွယ်ခြင်းသည် ကုသမှုထက် ထိရောက်သည် ဆိုတဲ့ စကား ရှိပေမဲ့ ဒီရင်သားကင်ဆာ ကို မဖြစ်အောင် ဆိုပြီး ကာကွယ်လို့ တော့ မရသေးပါဘူး ။ ဒါပေမဲ့  စောစောစီးစီး ရောဂါ ရှိမှန်း သိနိုင်ရင် ဖြင့် ကုသဖို့ ရာ အချိန်မှီနိုင်သေးပြီး အသက်ရှည် နေနိုင်ဖို့  အခွင့်အလမ်းများ ရှိပါတယ် ။ ဒီတော့ ဒီရောဂါ ဟာ ဘယ်လိုလူတွေမှာ ပိုပြီးဖြစ်တတ်သလည်း၊ ရောဂါ ဖြစ်မှန်း စောစောသိရအောင် ဘယ်လို လုပ်နိုင်ပါသလည်း ဆိုတဲ့ အကြောင်းကို အမျိုးသမီးတိုင်းရော ၊ သူ့ ကို ချစ်ခင်ကြတဲ့ အမျိုးသားတိုင်းရော သိထားသင့်ပါတယ် ။ ( ရင်သားကင်ဆာ ရဲ့  ဖြစ်ပွားမှု ။ ရောဂါ အခြေအနေ ၊ ကုသမှု တွေ ကိုတော့ ဒီပို့စ်မှာ မတင်ပြတော့ပါဘူး။ )

ရင်သားကင်ဆာ နှင့်ဆက်စပ်နေသော အကြောင်းတရားများထဲမှာ -
Obesity( ကိုယ်အလေးချိန် များသူ ဝ ၊သူများ ) ၊ ဆေးလိပ်သောက်သူ ၊ အရက်သောက်သူ များမှာ ပိုဖြစ်တတ်တယ်လို့ သုတေသန ပြုလုပ်တွေ့ ရှိထားပါတယ် ။ ဒါကြောင့် ဒီအချက်အလက် ရှိသူ အမျိုးသမီးတိုင်း ပိုမို သတိထားပြီ စမ်းသပ်သင့်ပါတယ် ။
ဒီနည်းလမ်းလေးက ဘာမှ မခက် ပါဘူး ။ကိုယ်တိုင် စစ်ဆေးခြင်း (self-examination ) ၊ဒါမှ မဟုတ် အတူနေသူတဦးမှ စမ်းသပ်ပေးခြင်းမျိုး လုပ် နိုင်ပါတယ်။ တလမှာ တကြိမ်မျှ ၊ ရာသီလာပြီး အချိန်မှာ စမ်းသပ်ကြည့်နိုင်ပါတယ်။



(၁) ပုံတွင်ပြထားသလို မှန်ရှေ့ မှာ ပုခုံးနှစ်ဖက် အမြင့်ညီအောင်ထားရပ်ပြီး၊ခါးနှစ်ဖက်ကိုထောက်ကာ ရင်သားနှစ်ဖက်၏ အရွယ်အစား ၊ပုံသဏ္ဍန် ၊ အရွယ်အစား၊ အရောင် စသည်တို့ ကို စစ်ဆေး ကြည့်ရန်။


အရေပြားပေါ်မှာ လိမ်မော်ခွံလို မာတင်းပြီး အပေါက်ငယ်များ တွေ့ ပါက ဆရာဝန်နှင့် ပြသပါ။




(၂) လက်နှစ်ဖက်ကို မြှောက်၍ အထက်ပါအတိုင်းယှဉ်ကြည့်ပါ ။နို့သီးခေါင်း အတွင်းသို့  ချိုင့်ဝင်နေရင် ။ညှစ်ကြည့်တဲ့ အခါ နို့ကဲ့သို့ အဖြူရောင် အရည်ကြည် ၊ဒါမှ မဟုတ် သွေးရောင်အရည်ကြည် ထွက်လာပါက ဆရာဝန်နဲ့ အမြန်ဆုံး ပြသပါ။



(၃) ပုံပါအတိုင်း လဲလျှောင်း၍ စမ်းသပ်ပါ ။ အထက်အောက်၊ အတွင်း အပြင် ၄ ကွက်ခွဲ၍ လက်ချောင်းများနဲ့ ပတ်ချာလည် ဖိ၍စမ်းပါ ။ လက်ချောင်းတွေကို အတန်းလိုက်ဖြောင့်အောင်ထာ့းပြီး အောက်မှာရှိတဲ့ နံရိုးများ အပေါ်သို့ ဖြေးညှင်းစွာ ဖိပေးပါ ။ ညှစ်ပြီးစမ်းဖို့ မလိုပါ ။



ရေချိုးနေစဉ်မှာ လည်း ဒီလို အလွယ်တကူ စမ်းသပ်နိုင်ပါတယ် ။

ဒီနေရာမှ ရတဲ့ ပုံများ နှင့် အကြောင်းအရာများပါ ။

ဒီအောက်မှာတင်ပြထားတဲ့ ဗီဒီယိုလေးနဲ့တွဲဖက်ကြည့်ရှုပြီး စမ်းသပ်ရင် ပိုပြီး မြန်ဆန်တိကျပါလိမ့်မယ်။ ဘယ်လိုပဲ ဖြစ်ဖြစ် မိမိဖာသာစမ်းသပ်ရင်း အလုံး အဖု အကြိတ် များကို စမ်းသပ်မိပါက တတ်ကျွမ်းတဲ့ ဆရာဝန်ဆီ အချိန် မဆွဲပဲ သွားပြပြီး နောက်တဆင့် စမ်းသပ်အဖြေရှာခြင်း( CT scan, mammogram ,biopsy စသဖြင့် ) များကို လုပ်ကြဖို့  လိုပါတယ် ။ ရင်သားကင်ဆာမှာလည်း စောစီးစွာတွေ့ ရှိပြီး မှန်ကန်တဲ့ ကုသမှုခံယူပါက ပျောက်ကင်းနိုင်တဲ့ ရောဂါတခု ဖြစ်နေပါပြီ ။



ရင်သားကင်ဆာ နဲ့ပတ်သက်ပြီး မြန်မာလို ပြည့်ပြည့်စုံစုံလေးရေးထားတဲ့ e-book လေးကို ဒီနေရာ မှ ကူးယူပြီး မျှဝေလိုက်ပါတယ်။



Yin Thar Kin Sar

ဒီအောက်က ဗီဒီယို ကတော့ မိမိအိမ်မှာပဲ breast light လို့ ခေါ်တဲ့  ကရိယာငယ်လေးနဲ့
မိမိဘာသာ ဦးစွာ စမ်းသပ်နိုင်တဲ့ အကြောင်းပါ ။
ဒါပေမဲ့ ဒီလို ကရိယာမျိုးက တန်ဘိုးကြီး တာမို့  လူတိုင်း အသုံးပြုဘို့  မလွယ်လှသေးပါဘူး ။
ဘယ်လို နည်းနဲ့ ပဲ စမ်းသပ်ပြီး တွေ့ ရ တွေ့ ရ၊ အလုံး အကြိတ် သံသယ ဖြစ်ဖွယ် အရိပ်များ တွေ့ ရင်တော့ ကျွမ်းကျင်သူ
ဆရာဝန်ထံ အချိန်မဆွဲပဲ ပြသဖို့ လိုကြောင်း ထပ်မံ အသိပေးလိုပါတယ်။



ရင်သားကင်ဆာအား စောစီးစွာ ရှာဖွေအဖြေထုတ် ကုသခြင်း ဖြင့် အသက်ရှည်ရာ အနာကင်းကြောင်း
ဖြစ်ကြပါစေ။

ခေါက်ထားသေးသဗျ...

ကျားနှစ်မှာတဲ့  ဗျာ .. (ရောက်ရာပေါက်ရာ )

တရုပ်ပြည်မှာ အနေကြာတော့ တရုပ်လူမျိုးတွေ နှစ်သစ်ကူးတိုင်း သူတို့ လိုပဲ ကုံးရှီဖါးချိုင် (恭喜發財) ၊ရှင်းနဲန်ခွိုက်လော့(新年快樂 ) ...ပြော ပြော ပြီးနှုတ်ဆက်နေရတယ် ။ တရုပ်နှစ်သစ်ကူးပြီ ကိုး ..ရောမပြည်ရောက်တော့ ရောမသားလို ကျင့်ရပေမပေါ့ ။
တရုပ်လူမျိုးမှာ သူတို့ ဓလေ့ အယူအဆ (chinese zodiac year ) အရ တွက်ကြတော့ ဒီနှစ်“ ကျား ” နှစ်တဲ့လေ ။ တ နှစ် မှာ အကောင် တစ်မျိုး နဲ့  ( 鼠牛虎兔龍蛇馬羊猴雞狗豬 ) ကြွက် ၊ နွား၊ ကျား၊ ယုန်၊ နဂါး ၊ မြွေ ၊ မြင်း ၊ ဆိတ် ၊ မျောက်၊ ကြက် ၊ ခွေး ၊ ဝက် ဆိုပြီး အကောင် ၁၂ ကောင် ရှိတယ်။ တရုပ်လူမျိုးတွေ ဥာဏ် လည်း တယ်များကြသကိုး ။ သူများ အသက်ကို မေးချင်ရင် ဘယ်သူမှ “ နင် ဘယ်နှစ် နှစ် ရှိပြီလည်း ”ဆိုပြီး မမေးကြဘူး ။ “နင် ဘာကောင်လည်း ( 你屬什麼 ) ”ဆိုပြီး မေးကြတယ် လေ။ ဘာကောင်လည်းဆိုတာ သိတာနဲ့ အသက်ကို တွက်လို့ ရတယ်ပေါ့ ။ ဒါပေမဲ့ ဗမာလိုသာ နင်ဘာအကောင်လည်း လို့ မေးလိုက်မိရင်တော့ အရိုက်ခံရမှာ သေချာ သပေါ့ ။




အထက်မှာ ဆိုခဲ့သလို ဒီနှစ်က ကျား နှစ် ပါတဲ့  ။ ကျား နဲ့ တော့ တွေ့ ပါပြီ ။ နှစ် စ စ ချင်းမှာပဲ။ မင်္ဂလာသတင်း ။ သတင်းကောင်းပေါ့ ။ ဒီနှစ် တွက်ကိန်းအရ ဖွားကိ တို့ နှစ်သစ်ဦးမှာပဲ စွံသွားပြီ ဖြစ်ပါကြောင်း ။ စွံတာတောင်မှ နိုင်ငံခြားသား နဲ့ တဲ့ ဗျာ .. ( သိလိုသူများ ပြီးခဲ့ တဲ့ ပို့စ်က ကော်မန့် ပေး သွားတဲ့ အထဲမှာ ပြန်ကြည့်နိုင်ပါတယ် )။ တို့ဗိုလ်ချုပ်အကြောင်း အရေးကောင်းတာနဲ့  နေရင်းထိုင်ရင်း ယောင်္ကျားပါ ရသွားတယ် ။ဒီတော့ ဒီကျားနှစ်မှာ ကျားနဲ့ ပတ်သက်တာတွေပဲ ရေးရတော့ မလိုလို ။
ကျားကိုက်ပါတယ် ဆိုမှ အစွယ်ရာလေး လာရှာပြရအုံးမလိုပဲ။( ကျားကိုက်ပါတယ်ဆိုမှ နာတာရှည်လား ဆိုတဲ့  အဓိပ္ပါယ်ကိုတော့ သေချာ မသိပါ) ၊ ကျားမြှီးသာ ဆွဲလိုက်ချင်ပါတော့တယ် ။ အတောင် နှစ်ဆယ်ဝတ် မင်းယောင်္ကျားများ ကလည်း ဒီလို ရေးတတ် တွေးတတ်ပါပေတယ် ။ ထားပါတော့ ။
“သေချင်တဲ့ကျား တောပြောင်း ”တယ်ပဲ ပြော ရမလား ။ သေချင်တဲ့  ဖွားကိလည်း တောပြောင်း တောင်ပြောင်း နဲ့  ဒီတရုပ်တွေကြားထဲ မျက်စိသူငယ် နားသူငယ် နဲ့ ရောက်လာပါတယ် ။ ကိုယ့်အယူ အဆကတော့“ တရွာမပြောင်း သူကောင်း မဖြစ် ” ပေါ့လေ ။ ဒီရောက်တော့ လည်း သူကောင်းတော့ မဖြစ်လာပါဘူုး ။ ဒီတော့ ကိုယ့်ကိုယ်ကိုယ် အားပေးလိုက်ပါတယ် ။ သူကောင်းမဖြစ်ရင်လဲ နေပါ။သူယုတ်မာ မဖြစ်ရင် တော်ပါပြီ လို့  ဆိုပြီး တော့ပေါ့ ။
ဒီလိုနဲ့  တရုပ်တွေကြားထဲ နေရင်း သူတို့  ထုံးစံတွေ အယူ အဆတွေကို လက်လှမ်းမှီသလောက် မေးရ မြန်းရတာပေါ့ ။ တရုပ်ကျား အကြောင်း ပြောမလို့ ပါ ။ အယူသည်းကြ ပုံများလေ . ဒီ ကျားနှစ်မှာမွေးသူတွေ ထဲမှာတောင် ယောင်္ကျားလေး နဲ့  မိန်းကလေး ကို ခွဲခြား ခွဲခြားလုပ်တတ်ကြသေးရဲ့  ။ ကျားနှစ်က မိန်းကလေး ( ကျားမ လေးပဲ ဆိုပါတော့ ) ။ အဲ့လို ကျားမလေး ဆို ရင် ဘယ်ယောင်္ကျားလေးရှင်ကမှ သူတို့  သားနဲ့  သဘောမတူချင်ကြဘူး တဲ့ ။ ကျားမ ဆိုတာ မကောင်းဘူးပေါ့လေ ။ခိ်ုက်တတ်တယ်ပေါ့ ၊ ကျားမ လေးတွေဆို မင်္ဂလာ အခမ်းအနားမှာ တောင်မှ သူတို့ သမီးအရံ မလုပ်ကောင်းဘူးဆိုပဲ ၊ပြီးတော့ မင်္ဂလာ ကုတင် ပြင်ဆင်တာ တို့  ။ မင်္ဂလာ အခန်းထဲ တို့  ကိုတောင် ပေးမထိ် ပေးမဝင်ကြဘူး တဲ့  ။ အထူးသဖြင့် နွား ၊မြင်း ၊ ဆိတ် နှစ်မှာမွေးတဲ့ ယောင်္ကျားလေးတွေ ဆို ကျားမ လေးတွေကို ရှောင်ကြတယ် ။ ကျားစာ မိ မစိုးလို့  တဲ့လေ ။ ကျားမ ထဲမှာတောင်မှ မနက်ပိုင်း မွေးတဲ့ ကျားက နဲနဲခံသာသေးတာ တဲ့  ။ ညပိုင်းမွေးတဲ့  ကျားမက အဆိုးဆုံး ဆိုပဲ ။ ည ကျ ဗိုက်ဆာ လို့  ထ ကိုက်မှာကြောက်ကြတာတဲ့ ။ သူတို့ အယူသည်းပုံတွေများ ။ ကျားနှစ်မှာမွေးတဲ့ ယောက်ျားလေးများကိုလည်း တော်ရုံ မကြိ်ုက်ကြဘုးဆိုပဲ ။ ဒါဆိုရင် ဒီက အပျို လူပျိုကြီးတွေ က ကျားနှစ်ဘွားတွေ ဖြစ်ဖို့ များတယ်ပေါ့ ။ခက်ရချည်သေး ။ကျားမှာလည်း အသည်းနှလုံးနဲ့ပါလေ ။

ဒီပုံအတိုင်းသာဆို ဒီကျား နှစ်တွေမှာ မွေးနှုန်းကျ ကိန်း ရှိတယ်ပေါ့ ။ အိုဂျီတွေ တွက်ချေမကိုက် တဲ့  နှစ်ပေါ့လေ ။ ဒါပေမဲ့  နောက်တနည်းတွက်ကြည့်တော့လည်း ဘဲစားဘဲချေ ပဲ ဖြစ်လိမ့်မယ် ။ကလေး မွေးနှုန်းကျ ရင် ကလေး ဖျက်နှုန်းတက်မယ် ပေါ့ ။ ဒီက လူတွေ ကလေးဖျက်ချကြတာ ထမင်းစားရေသောက် သလောက်ကို လွယ်ကြတယ် ။ ဗုဒ္ဓဘာသာ ဝင်တွေ အနေနဲ့ ကတော့ ပါဏာတိပါတာ ကံ ထိုက်တယ် ဆိုပေမဲ့  ဒီမှာ ဗုဒ္ဓဘာသာစင်စစ် နည်းပါးတော့ အိုဂျီတွေလည်း ငွေသာရ ပြီးရော ပါပဲ ။

မြန်မာတွေမှာ ခွန်နှစ်ရက်သားသမီးတွေ တာစား တယ်ဆိုသလို အယူအဆမျိုး (安太歲 ) တရုပ်တွေမှာလည်း ရှိကြတယ်။ ဒီနှစ် ကျားနှစ်ဘွားတွေ တာစားတယ်ပေါ့လေ ။ ဗြမ္မာကြီးဦးခေါင်းရွက်ရတာတော့ မဟုတ်ပါဘူး ။ ကံဇာတာ ညံ့ကိန်းရှိတယ်ပေါ့ ။ ဒီတော့ ဘုရားကျောင်းတွေမှာ သွားပြီး ယတြာချေသလိုမျိုးတွေ လုပ်ကြရတယ် ။

နှစ်ဟောင်းက အဟောင်းအစုတ်တွေစွန့်ပစ်ပြီး နှစ်သစ်မှာ အသစ်တွေ သုံးရမတဲ့ ။ သန့် ရှင်းရေးတွေ အကြီးအကျယ်လုပ်ကြတယ် ။မလိုတဲ့ အမှိုက်ရှင်းတာကတော့ ရှင်းရမယ်ပေါ့လေ ။ ဒီလောက်ကြီး ဒီတော့ မြူနီစပါယ် အလုပ်သမားတွေ အလုပ်အရှုပ်ဆုံး အချိန်ပဲ ။ တချို့များ အယူသည်းတာ ဆိုမလား ၊ ပိုက်ဆံပေါတယ် ဆိုမလား၊ ကျားကြီး ခြေရာကြီးတယ် ဆိုတာ ဒီလိုလူမျိုးတွေ ဖြစ်မယ် ၊ ဆိုဖါ ဆက်တီတွေလည်း ပစ်လိုပစ် ။ အဝတ်ဟောင်းတွေ အမှိ်ုက်ပုံ ပစ်လိုပစ် နဲ့ဆိုတော့ အမှိုက်သိမ်းရသူတွေ တကယ် ပင်ပန်းကြပါတယ် ။ တကယ်ဆို Recycle လုပ်လို့ ရတဲ့ အရာမျိ်ုး ၊ ဥပမာ ၊ အဝတ်အထည်ဆို အကောင်းကြီးတွေ မရှိဆင်းရဲသား ဝတ်လို့ ရသေးတာမျိ်ုးဆို အလှူခဲပုံးတွေထဲ ထဲ့လိုက်ရင် ပိုပြီး သင့်တော်မယ်လေ ။ သန့် ရှင်းရေး အကြီးအကျယ် အလုပ်ကောင်းတော့ လုပ်ရင်းကိုင်ရင်း ထိခိုက် ကွဲ ရှ ကြသူတွေလည်း အများကြီး ။ ဒါကြောင့် ဒီနှစ်တော့ ဖွားကိတို့  စမ်းစပ်ကြည့်ချင်လို့ ဘာမှ အကြီးမကျယ် ရှင်းလင်းရေး မလုပ် ၊ ဘာအဝတ်အထည်မှ အသစ်မဝယ် ။ ဘာအဟောင်းမှ မပစ်ပဲနေကြည့်လိုက်တယ် ။ ခါတိုင်းနှစ်တွေလည်း ဘာကံမှ အထူးအထွေကောင်းခဲ့တာ မှ မဟုတ် ။ ဒီထက်များ ပိုဆိုးလာမလားလိ်ု့  စောင့်ကြည့်ပါအုံးမယ် လေ ။ လတ်တလော အကျိုးပေးတာကတော့ လူသက်သာတာအမှန်ပါပဲ ။အကုန်အကျလဲ သက်သာတာပေါ့လေ ။

မြန်မာတွေမှာတော့ ခွန်နှစ်ရက်သားသမီး ပဲ ရှိကြလို့  တော်သေးတယ် ပြောရမယ် ။သူတို့  တရုပ်တွေ လို အကောင် ၁၂ မျိုးသာ ဆို လွယ်မယ် မထင် ။ ၁၂ မျိုး ပြည့်အောင် ဘာကောင်တွေ ထဲ့ ပေးရရင်ကောင်းမလည်း လို့ တွေးကြည့်မိတော့ ကြံ့  ရယ်၊ ဖွတ်ရယ်၊ လဒ ရယ် ထပ်ဖြည့်ပေးရ မလိုပဲလေ ။ ဒါပေမဲ့ မြန်မာကျားလည်း ကျားဆိုမှ ကျားပါပဲ ။ တနလာင်္ ကျားများပြောပါတယ် ။ ကျားစိတ်ကတော့ ရှိကြတယ်လေ ။“ ကျားသနားမှ နွားချမ်းသာ ” ဆိုတာ တကယ်ပဲလား ။ နွားက အမြဲ ရှုံးနေကြရတယ်တဲ့ လား။ဟုတ်လိမ့်မယ် ။ဒါပေမဲ့ မြန်မာ့ကျားတွေ အမျိ်ုးတုံးတော့မယ် ၊ မြန်မာပြည်မှာ ကျားအကောင်ရေ ၁၅၀ ထက် ပိုမရှိနိုင်တော့ဘူး ဆိုတဲ့ သတင်းအရ ၊ လူသနားမှ လည်း ကျားချမ်းသာရာ ရမယ် ဆိုတဲ့ စကားပုံ တခု အသစ်ထွင်သင့်ပြီထင်ပါတယ်။ သနားစရာ ကျားသတ္တဝါ တွေကိုလည်း ညှာတာသနားကြစေလိုပါတယ် ။
ဒီနေရာလေးမှာ ဖတ်ကြည့်နိုင်ပါတယ် ။

အစိုးရရုံးပိတ်ရက် အရ အစိုးရ ရုံးတွေအားလုံးရော ၊ စက်ရုံ အလုပ်ရုံတွေအားလုံး ဒီနှစ် ရုံးပိတ်ရက် ၉ ရက်ကြီးများတောင် ရကြပါသတဲ့ ။ ဒါပေမဲ့ နွားနှစ်ဘွား မဟုတ်ပဲ နွားဇာတာပါတဲ့ ဖွားကိတယောက်တော့ နွား လိုပဲ အလုပ်လုပ်ရအုံးမယ်လေ ။ ၄ ရက်ပဲ နားရတာ ဆိုတော့ ရှားရှားပါးပါး ပိတ်ရက်မှာ ဟိုလည် ဒီလည် လုပ်မလို့  စီစဉ်ပြီးကာမှ ရာသီဥတုကလည်း မျက်နှာသာ မပေးပေဘူး ။ မိုးတွေဆက်တိုက်ရွာ နေတာ နဲ့  အိမ်ထဲမှာ ပျင်းရိစွာ အချိန်ကုန်ရပြန်ပါတယ် ။ ၃ရက်မြောက်နေ့ မတော့ မနေနိုင် မထိုင်နိုင်နဲ့ မိုးရွာထဲမှာပဲ ရထားတတန် ကားတတန် စီးပြီး ဟိုဝင် ဒီထွက် သွားပလိုက်တယ် ။ ကားတွေ ပိတ် လူတွေကြပ် သိပ်မဟန်ပါဘူး ။ လူ့ အလို နတ်မလိုက်နိုင် ဆိုတာ ဒါမျိုးပဲ ဖြစ်မယ် ။

“ကျားနဲ့ဆင် လယ်ပြင်မှာ တွေ့ ကြ သေးတာပေါ့ ” ဆိုတာရော ..ကျားနဲ့ဆင် တွေ့ တဲ့ အခါ သူတပြန် ကိုယ်တပြန် ဆိုတော့ ဒီလိုပွဲမျိုး ကြည့်ကောင်းမယ် ထင်ရတယ် ။ ဒါပေမဲ့ “ ကျားကျောက်လို့  ရှင်ကြီးကိုး ၊ ရှင်ကြီးကျားထက်ဆိုး ” ဆိုတဲ့  အဖြစ်မျိုး မရောက်ကြရအောင်လည်း သတိ နဲ့  အသိ နဲ့ ယှဉ်ပြီး ချင့်ချိန်ကြရပါမယ်။ “ ကျားဆရာ ကြောင် ” ဆို ပြီး “ ကြောင်သူတော် ကြက်သူခိုး ”တွေကလည်း ရှိသေးရဲ့  ။ ကျားကိုးစီး စားမကုန်တဲ့အား နဲ့ ကျားငစဉ်းလဲ တွေလည်း ရှိသေးသမို့ ဒီလိုကျားမျိုးတော့ ဝေးဝေးကြည့်ရှောင် ကြပေါ့ ၊ ဒါပေမဲ့ တရုပ်ကျား ဖြစ်ဖြစ် ဗမာကျားဖြစ်ဖြစ် တကယ့် တိရစ္ဆာန် ကျား မျိုးတွေကို မျိုးမတုံးကြရလေအောင်တော့ စောင့်ရှောက်ကြဖို့  လိုအပ်နေပါပြီ....

ကျားနှစ်မှာ ကျား နဲ့ ပတ်သက်တဲ့ ရောက်ရာပေါက်ရာလေးများ ရေးလိုက်ရပါတယ် ။ ဘာကျားပဲ ဖြစ်နေဖြစ်နေ နိုးနိုးကြားကြားလေးတော့ ရှိကြစေချင်ပါတယ် ။

ခေါက်ထားသေးသဗျ...

တို့ ဗိုလ်ချုပ်...

တို့ အားလုံးရဲ့  တဦးတည်းသော ဗိုလ်ချုပ် ။ သူက ရိုးရိုးသားသား ဗိုလ်ချုပ်တဦး ။ မှူးကြီး တွေ ၊ ကြီးတွေ နဲ့ ကြီးကြီးကျယ်ကျယ် သူ့ ကိုယ်သူ နာမယ်ပေးမထား ။ အရွယ်နဲ့  မလိုက်အောင် စိတ်ဓါတ် ခိုင်မာတယ် ။ ပြတ်သားတယ် ။ကိုယ်ပိုင် ဥာဏ်စွမ်း နဲ့  လုပ်ရည်ကိုင်ရည် ကြီးမားတယ် ။ရာထူး ဂုဏ်သိမ်မမက်၊ ကိုယ်ကျိုး မဖက်ဘူး ။ဘဝ တခုလုံးကို သူ့ တိုင်းပြည်နဲ့ လူမျိုးအတွက် ပေးအပ်ထားခဲ့တယ် ။ နူးညံ့ သိမ်မွေ့ တယ် ။မာန် မာန မထောင်လွှားဘူး ။တိုင်းသူပြည်သားတွေနဲ့ လက်ရည်တပြင်တည်း နေတယ် ။

တို့ ဗိုလ်ချုပ်ရဲ့  ရိုးသားတဲ့ ဘဝ ။လေးစားထိုက်တဲ့  အရည်အချင်းများ ။ စွမ်းပကားများ ကို နောင်လာ နောက်သားများ မမေ့မလျော့ကြစေရန် ၊ရည်မှန်းချက် ပန်းတိုင်ထိ မဆုတ်မနစ် ရှေ့ ဆက် ချီတက်ကြစေရန် အားပေး နှိုးဆော်ထားတဲ့ 
ဆရာ ရန်အောင် ရဲ့ “ ကျေးဇူးဆပ်လော့ ” အမည်ပေးထားတဲ့  ကဗျာလေး ကို ပြန်လည်ဖေါ်ပြပေးလိုက်ပါတယ်။





အထက်ပါ ကဗျာ အပါအဝင် အခြားသော ဗိုလ်ချုပ်အောင်ဆန်းကဗျာစုများ ကို ဒီနေရာမှာ ဒေါင်းလုပ်ရယူ နိုင်ပါတယ်

တို့ ဗိုလ်ချုပ်ရဲ့  အထုပတ္တိ ဘဝ နဲ့ စွမ်းပကားများကို ရေးဖွဲ့ ထားတဲ့  ကို ICY ရဲ့  “ အောင်ဆန်းပေးတဲ့ မြန်မာပြည်” ဆိုတဲ့  စာကဗျာ ကို ဒီနေရာမှာ စုံလင်စွာ ဖတ် ရှု နိုင် ပါတယ် ။

ပြီးတော့ ရှိသေး ။ ဒီလ ။ ဒီရက် ဖေဖေါ်ဝါရီ ၁၂ ရက် ( ပြည်ထောင်စုနေ့ ) ။ အရင်အချိန်တွေ တုံးကတော့ နှစ်စဉ် တခမ်းတနားကျင်းပပေးခဲ့ကြတယ် ။ ပြည်ထောင်စု အလံကြီးကို တိုင်းနဲ့ ပြည်နယ် ၁၄ ခုကို လက်ဆင့်ကမ်းသယ်ဆောင် အလေးပြုပြီး တိုင်းရင်းသားများ စည်းလုံးညီညွတ်ရေးကို ဖေါ်ဆောင်ခဲ့ကြတယ် ။ ဗိုလ်ချုပ်အောင်ဆန်းရဲ့ စွမ်းဆောင်မှုများ ၊ ခုတော့ နောင်လာ နောက်သားတွေ မသိနားမလည် ၊ တစတစ နဲ့  မေ့လျော့လာအောင် မသိမသာရော သိသိသာသာကြီးပါ လုပ်ဆောင်လာကြတာ ကို ဝမ်းနည်းစဖွယ် မြင်တွေ့ နေကြရတယ် ။

တို့  မြန်မာ လူမျိုးတွေ ဟာလည်း ကောက်ရိုးမီးလို တခဏတောက်ပြီး ပွဲပြီးမီးသေ ။ ဒါပေမဲ့ ပွဲလမ်းသဘင် အပျော်အပါးဆိုလည်း ကြိ်ုက်လိုက်သမှ ၊ မနက်ဖန် စားဖို့  ဆန်အိုးထဲ ဆန်မရှိရင်သာ နေမယ် ၊ ဆိုင်းသံ ဗုံသံကြား ရင် မသွားရ မနေနိုင် ၊ ပျော်လိုက်ကြသမှ ၊ ဒီဘက်ခေတ် မှ ကျင်းပလာကြတဲ့ ဖေဖေါ်ဝါရီ ၁၄ ရက် ချစ်သူများနေ့ ( Valentine Day ) ဆိုပဲ ။ ကိုယ့်လူမျိုး ဓလေ့ထုံးစံတွေကို မသိကြ ရင်သာ ရှိမယ် ။ အဲ့ဒီ ချစ်သူများ နေ့ ( တကယ်ဆိုတော့ တာနီ (Terni)မြို့က Saint Valentiuns ဆိုတဲ့ သူတော်စင်ပုဂ္ဂိုလ်ကြီးရောမမှာ ၊နှိပ်စက်ပြီး ခေါင်းဖြတ်ခံရတဲ့ နေ့ပါ) မှာ ပန်းကလေး၊ ကဒ်ကလေး၊ ချောကလက်လေးများ မပေးကြရင်ပဲ ကိုယ့်ချစ်သူက ကိုယ့်ကို မေ့သွားမလား လို့ တောင် ထင်ရလောက်အောင် အလေးထားကျင်းပလာခဲ့ကြတာ ၊တွေးကြည့်ရင် တွေးတတ်ရင် ရင်မောစရာ များ ဖြစ်နေရပါပြီ ။

ချစ်သူတွေ အမြဲ တန်း နေ့ တိုင်း မမေ့မလျော့ ချစ်လို့ ခင်လို့ ရပါတယ်၊လောကကြီးမှာ အချစ်တွေဖုံး အပျော်တွေ လွှမ်းနေတယ် ဆိုတာ မင်္ဂလာ တပါးပေ မို့  ဒီချစ်သူများ နေ့ ကို မမေ့မလျော့ကြသလို ၊ တို့ တတွေရဲ့  လွတ်လပ်ရေး ဖခင်ကြီး ဗိုလ်ချုပ် အောင်ဆန်း နဲ့ သူ့ စကား တွေကို မမေ့မလျော့ ကြဖို့  အရေးကြီးပါတယ် ။ ဒီလိုမှ မဟုတ်ရင်တော့ တလွဲဆံပင်ကောင်းနေကြတဲ့ တို့ ရွှေပြည်ကြီးက xါ နိုင်ငံ ဖြစ်ဖို့  ပိုသေချာ နေပြီ လို့ပဲ ပြောချင်ပါတယ် ။

တို့ဗိုလ်ချုပ်သာ ခုနေများ ရှိနေမယ် ဆို အသက် ၉၅ နှစ် ။ သူချစ်တဲ့ တိုင်းပြည်ကြီးမှာ ခုဖြစ်နေတဲ့ အရာတွေကိုသာ မျက်ဝါးထင်ထင် တွေ့ မြင်လိုက်ရမယ် ဆို ရင် .....

နောက်ဆက်တွဲ သတင်းးး

ပြည်ထောင်စုနေ့မိန့်ခွန်း ပင်လုံ နှင့် ဗိုလ်ချုပ်အောင်ဆန်း နာမည်ထည့်မပြော
သောကြာနေ့၊ 12 ဖေဖော်ဝါရီလ 2010 သျှမ်းသံတော်ဆင့်

သျှမ်းပြည် ပင်လုံ၌ ယနေ့ကျင်းပသည့် ပြည်ထောင်စုနေ့အခမ်းအနားတွင် ပင်လုံ နှင့် ဗိုလ်ချုပ်အောင်ဆန်း နာမည် တခွန်းတပါဒမျှ မလှစ်ဟသည့် နအဖ အကြီးအကဲ ဗိုလ်သန်းရွှေ၏ မိန့်ခွန်းသ၀ဏ်လွှာကို ဒေသခံပြည်သူအား ဆင့်ခေါ်ပြီး နားထောင်စေခဲ့သည်ဟု စုံစမ်းသိရှိရပါသည်။
( အပြည့်အစုံ ကို ဒီနေရာမှာ ဖတ်နိုင်ပါတယ် )

ခေါက်ထားသေးသဗျ...

ဒါလေးများ ၊ ကမ္ဘာအေးသွား ...

World Cup ( ကမ္ဘာ့ ဖလား ဘောပွဲ ) တဲ့ ။ ဘောဝါသနာရှင်များ အပြေးအလွှား အသည်းအသန်ကြည့် ကြ ၊ အားပေးကြ ။ လောင်းကြစားကြ ကစားကြ နဲ့ သည်းသည်းကို လှုပ်လို့ ပါလား နော် ၊ကမ္ဘာကျော် ဘောသမားတွေ ဆိုလည်း သူတို့ နောက်ကို ပိုက်ဆံပိုက်ပြီး တကောက်ကောက် အလိုက်ခံနေရလို့  စိတ်တောင်ညစ်နေကြ မလားပဲ ။ ငွေစော် နံ လွန်း လို့ လေ ။ ဒီလို နာမယ်ကြီးအောင်လည်း ဘယ်လောက်ကြာကြာ အပင်ပန်းခံ လေ့ကျင့်ခဲ့ ရမလည်း ။ အနာခံမှ အသာစံရ ဆိုတာ သူတို့  တတွေ အတွက် မှန်ပါတယ် ။တို့ တတွေ ရွှေပြည်ကြီးမှာတောင်မှ နိုင်ငံခြားသား နည်းပြဆရာတွေကို အခကြေးငွေ များစွာပေးပြီး ငှားရမ်းနေကြရတယ် ။“ ကမ္ဘာမှာ မြန်မာ့ဘော ဟေ့ ” ဆိုပြီး ကြွေးကျော် နိုင်ကြပါစေ လို့ ရည်ရွယ်ချက်ကြီးကြီး စေတနာ ဗလပွ နဲ့ တည်ထောင်ပေးထားကြတဲ့  လူ အကြီးကြီင်္းတွေ ရဲ့  ဘောအသင်းကြီးတွေ ၊ နာမယ်ကြီးသထက် ကြီးလိုချင် ရင်တော့ အလွန်တော်တဲ့ ဘောသမ တယောက် ရှိ်ပါသေးကြောင်း မိတ်ဆက် ပေးလိုက် ချင်လို့ ပါ .... သူဘယ်သူလဲ သိချင်ကြပါသလား ။

အဲ.. သိချင်လို့  ဝင်လာကြည့် ပြီ မဟုတ်လား ။ ဒါဆို အပို မပြောတော့ ပါဘူး ။ ကိုယ့်ဟာကိုယ် ကလစ်ပြီးတော့ သာ ဆက်ကြည့်ပေါ့ ။
ု


ကြည့်လို့ ပြီးပြီ ဆိုရင်တော့ .. ဒီ ဘောသမ တရုပ် အဒေါ်ကြီး ကို တိုင်းပြည် ဂုဏ်ဆောင်“ဖိုး တေနေ လ ရွေ ဇသွေး ပြည့် အောင် ”တို့ ရဲ့  ဘောအသင်းကြီးမှာ၊ ဒါမှ မဟုတ် ကန်ဘောဇ တို့  ၊ ရယ်ဒနာပုံ တို့ လို ဘောအသင်းကြီးတွေမှာ နည်းပြ ခန့် ပေးဖို့  အဆင့် မှီ ၊ မမှီ ဆုံးဖြတ်ပေး ပါ အုံး ။ လခ ကတော့ ဒေါ်လာ စိမ်းစိမ်းလေး တွေပေးစရာ မလိုပါဘူး ၊ ယွမ် ငွေ အနည်းငယ် မျှ ပဲ လိုအပ် မှာ မို့  ချွေတာရေး လည်း ကျပါတယ် ။ အစားအသောက်လည်း ကရိယထ မများပါဘူး ။ သူကန်နေကြ ဘောပြား... အဲ့လေ ...ပဲပြား မျိုးစုံ ၊ ပဲနို့ ရည် တို့ လောက် နဲ့ ပဲ ကျေနပ်ပါတယ် တဲ့  ။ တချက်ခုတ် အချက်များစွာ ပြတ် စေတာပေါ့ ။း))
ငှားရမ်း အသုံးပြုလိုသူများ ဖွားကိ ထံ ဆက်သွယ် နိုင်ပါတယ် ။
www.ပွဲစားကြီး ဖွားကိ.com ( ဒါမှ မဟုတ် ) တောင်းဖုံး အမှတ်( ခြင်းဖုံးက သူများ ငှားသွား၍ ) ၀၀၀၁၂၃၄၅၆၇၈၉၀၀ .Ext .987654321 ပါ ။း) ...

ခေါက်ထားသေးသဗျ...

ကမ္ဘာကျော် အဆိုအမိန့်  များ နှင့် ပေါက်ကရ အတွေးများ ....

ကမ္ဘာကျော် ပုဂ္ဂိုလ်ကြီးများရဲ့  အတွေး အရေး အဆို အမိန့် များ ကို ဖတ်ကြည့် မိရင်း ၊ကမ္ဘာ မကျော် ဖွားကိ က ပေါက်ကရ တွေးကြည့်မိတယ် ၊ သူတို့ မှန်သလား ကိုယ်မှားသလား လို့  ၊ ဘယ်လိုပဲ ဖြစ်ဖြစ် လိုရာဆွဲတွေးလေ့ရှိတဲ့ အကျင့် ၊ ခေါင်းမာတတ်တဲ့ အကျင့် က သေရာပါ ဖျောက်မရ ဆိုသလို ရှိနေတာ မို့  တွေးမိတွေးရာ တွေကို ရေးမိရေးရာ ရေးချလိုက်မိတယ် ။ အမှားပါက ပြင်ဖတ်ကြပါ ။ ( ကိုယ်မှန်တယ်ထင်လို့ ရေးထားတာတွေ ဖြစ်တဲ့ အတွက် ၊ ကိုယ့်အမှားတွေကို ထောက်ပြရန် မလိုပါကြောင်း ကြိုတင် အသိပေးအပ်ပါတယ် ) ။


အဒေါဖ့်ဟစ်တလာ က ပြောခဲ့ တယ် “သင်ဟာ တကယ်လို့ နိုင်ခဲ့ ရင် ဘာမှ ရှင်းပြနေစရာ မလိုဘူး ။ ဒါပေမဲ့  ရှုံးသွားခဲ့ ရင် တော့ ရှင်းပြဖို့ တောင် ဒီနေရာမှာ ရှိမနေသင့် တော့ဘူး ” တဲ့  ။
ဒါကြောင့်ပဲနေမှာ ..သူ့ တပည့်ကျော် ကိုယ်တို့ ရဲ့  ဘဘကြီး က ဘယ်လိုမှ အရှုံးမပေးတာ ၊ ဘာကိုမှ လည်းရှင်းမပြတော့တာပေါ့ ။ အပြိုင် အဆိုင်မဲ့  အနိုင်တွေနဲ့ ချည်းပါပဲလေ။




အီဗရာဟင် လင်ကွန်းက ပြောခဲ့တယ် ။ “လူတိုင်းကို ယုံကြည်ရင် အန္တရာယ်များတယ် ။ ဘယ်သူ့ ကိုမှ မယုံကြည်ရင် အလွန် အန္တရာယ်များ တယ်” တဲ့ ။
ကိုယ်ကကျူးရင် ကိုယ့်ဒူးတောင်မှ မယုံရ လို့  ရှေးလူကြီးများကလည်း ပြောခဲ့ကြသေးတယ် ။
အင်း ဒီလိုသာဆို ခက်ချေပြီ ။ တလောကလုံး ဘယ်သူမှ မယုံကြည်ရပါလား ။
ဒါကြောင့် ဒီလူကြီး ဒီလို လုပ်တာ နေမှာ ပဲ ။ ကျော် နှစ်ကျော် တို့ ဒုက္ခ နဲ့ လှလှ တွေ့ ရရှာပြီ။

ဤနေရာမှ ရယူသော ပုံလေးပါ ။ ကိုဟန်လေး ရေးဆွဲ ထားတာပါ


“ကမ္ဘာကြီးကို ပြောင်းလဲပစ်ဖို့  လူတိုင်းစဉ်းစားကြတယ် ။ ဒါပေမဲ့ ဘယ်သူမှ ကိုယ့်ကိုကိုယ် ပြောင်းလဲပစ်ဖို့  မစဉ်းစား ကြဘူး ” တဲ့  လီယို တောစတွိုင်း က ပြောခဲ့ တာပဲ ။
ဒို့  ဘဘကြီး လည်း ဒီစကားကို မှတ်သား လိုက်နာ ပုံရတယ် ။ သူ့ ကိုယ်သူ ဘယ်တော့ မှ ပြောင်းလဲ မှာ မဟုတ်ဖူး ။


အိုင်းစတိန်းကပြောခဲ့တာ “ အကယ်၍ လူတယောက်ဟာ သူ့ ဘဝ တလျှောက်လုံးမှာ ဘယ်သောအခါမျှ အမှား တခု မလုပ်ခဲ့ ဟူထင်ပါက ထိုသူမှာ သူ့ ဘဝတလျှောက်လုံး၊ မည်သည့် အရာ အသစ် ကိုမျှ ကြိုးပန်းလုပ်ဆောင် ခဲ့ခြင်း မရှိ ဟု မည်၏ ”
မမှားသော ရှေ့ နေ ၊ မသေသောဆေးသမား ။ လူဆိုတာ မှားကြမှာပဲလေ ။ များများလုပ်သူ များများ မှားမယ်ပေါ့ ။ဘာမှမလုပ်သူ ဘာမှ မမှားဘူးပေါ့ ။
အမှားတွေချည်း ရွေးလုပ်နေသူဆို အမှားတရံ များစွာ နဲ့  အမှန်တရားဆိုတာ မရှိတော့ ပေဘူးပေါ့ ။ သူလည်းလေ လောကီသားပေမို့  ၊ များများကြီးလုပ်နေလို့  များများပဲ မှားရတာပါ ။ ခွင့်လွှတ်သင့်ပါတယ် ။


ချားလ်စ်ဒစ်ကင် ကပြော ခဲ့တယ် ။ “ ယုံကြည်မှု ၊ခင်မင်ဆက်ဆံမှု ၊ ကတိ ၊ အသည်းနှလုံး ၊ ဒီ ၄ မျိ်ုးကို မကွဲပျက်စေ နဲ့  ၊ ဘာလို့ လည်းဆိုတော့ ဒီ အရာ ၄ မျိ်ုး ကွဲပျက်တဲ့အခါ မှာ ဘာ အသံမှ မမြည်ပေမဲ့  အတော်လေးနာကျင်စေလို့ ပါ ” တဲ့ ။
အို ၊ ကိုယ်မနာ ရင် ပီးတာပဲလေ ။ သူ့ ဟာ သူ ဘာသံ မြည် မြည်ပေါ့ ။ ဒီအရာ ၄ ခုက ဗိုက်ပြည့်စေတာမှ မဟုတ်တာ ၊
ဒီတော့ ဒီတော့ ကိုယ့်ဆွေမျိ်ုးသားချင်းတတွေ စားရ ဝါးရ ဝတ်ဆင်ရရင် ဘယ် ယုံကြည်မှု ၊ ခင်မင်ဆက်ဆံမှု ၊ ကတိ ၊ အသည်းနှလုံး တွေမှ အရေးမကြီးလှပေဘူး ။ ( ချားလ်စ် အတွေးက နုပါသေးတယ် ။ တို့ တတွေ ဘဘကြီး အိပ်နေသလောက်တောင် မရှိပါလား ကွယ် )


ဝီလီယံ ရှိတ်စပီးယား ပြောခဲ့ တဲ့  အောင်မြင်မှု အတွက် အချက် ၃ ချက် ..“ သူများထက် ပိုသိရမည် ။ သူများထက် ပိုလုပ်ရမည် ။ သူများလောက် မျှော်လင့်မှု မထားရ ” တဲ့ ။
ဘဘကြီးလည်း သူများတွေထက် ပိုသိပါတယ် ။ သူများတွေထက် ပို(ဖိ) လုပ် ပါတယ် ။ သူ နဲ့ သူ့ လူတွေ စားဖို့  ဝါး ဖို့။့ သိပ်မျှော်လင့် မထားပါဘူး ။ နေရာ ဖယ်ပေးဖို့  ။


မာသာထရီဆာ က ပြောခဲ့ တယ် “ အကယ်၍သင်ဟာ လူများအတွက် တရားမျှတရေးကိုသာ လုပ်ဆောင်နေရလျှင် ထိုသူများအား ချစ်ရန် အချိန်ရှိမည် မဟုတ်ပါ” တဲ့ ။
ဒါကြောင့်ဖြစ်မယ် ဘဘကြီးခမြာ သူ့  ပြည်သူတွေကို ချစ်ရန် အချိန်လုံးဝ မရှိခဲ့တာပေါ့ ။ဒါသူ့ အပြစ်မဟုတ်ရှာပါဘုး ။ ရှေ့ ကလူတွေပြောသွားခဲ့ကြတဲ့ အတိုင်း လုပ်နေရှာသားပဲ လေ ။

ဒီနေ့ တော့ ဒီလောက်ပဲ လိုရာဆွဲပြီး ပေါက်ကရတွေ တွေးလိုက်ပါတယ် ။ ရှေ့ ဆက်တွေး ရင် ရွာသာကြီး နဲ့ ပိုနီးလာမှာမို့  ။း)

ခေါက်ထားသေးသဗျ...