မနက်ဖြန် သို့ မဟုတ် ဘယ်သောခါ

( ပုံလေးက သေးနေလို့ သေချာမမြင်ရရင် ကလစ်လုပ်ကြည့်ကြတာပေါ့ နော် ..)
ကာတွန်း အော်ပီကျယ် ရဲ့  ဘုဂလန့်  အတွေး နဲ့ အခြစ် တွေ ကို သဘောကျ လို့  နောက်ဆက်တွဲ တွေ တွေ့တာ တင်ပြပေးလိုက်ပါတယ် ။ပညာရှိတွေ ပြောဆို မိန့်ကြားခဲ့ တဲ့  အဆို အမိန့် များဟာ မှတ်လောက်သားလောက်အောင် မှန်ကန်နေခဲ့ကြပါတယ် ။ ဒါပေမဲ့ ခေတ်စနစ်တွေ တရွေ့ ရွေ့ ပြောင်းလဲ လာကြတဲ့ အခါမှာ တချို့ အဆို အမိန့် တွေ ဟာ နေရာ တိုင်းမှာ မှန်နေတယ်လို့  ထင်မှတ်လို့  မရနိုင်လောက်အောင်ကိုပဲ ဆန့်ကျင်ဘက်သို့  ပြောင်းလဲ တဲ့ အဓိပ္ပါယ်မျိုးတွေ သက်ရောက်သွားကြရပါတယ် ။ ဒါကြောင့် ဒီအဆို အမ်ိန့် များ ကနေ မဆိုမမိန့် များ ဖြစ်သွားကြရတာပေါ့ ။ အဆိုအမိန့် များကို ကပျက်ကချော်ပြုလုပ်ထားခြင်းတော့ မဟုတ် ပါကြောင်း ကြိုတင် အစီရင် ခံအပ်ပါတယ် ။




ပညာရှိတွေက ပြောဆို ဆုံးမခဲ့ ကြတယ် ။ " ယနေ့ ပြီးနိုင်သောအလုပ်ကို မနက်ဖြန် မရွှေ့ ပါနှင့် " တဲ့ ။
ဒါပေမဲ့ ဘုဂလန့် အော်ပီကျယ်က တမျိုး တွေးမိလိုက်တယ် ။
" ယနေ့ ပြီးနိုင်သောအလုပ်ကို မနက်ဖြန် သို့ ရွှေ့ ပါ " အကြောင်းရင်းမှာ -
(၁) အလုပ်များသူဟု အထင်ကြီး ခံရမည် ။
(၂) ဝင်ငွေ ပိုတိုးမည် ။
(၃) နှစ်ခြိုက်စွာ အိပ်ပျော်မည် ။
ဒါကြောင့် ....
(၄) မနက်ဖြန် ရောက်လျှင် ၊ မနက်ဖြန်၏ မနက်ဖြန်သို့  ထပ်ရွှေ့ ရန် မမေ့ပါနှင့် ။
ဘာလို့လဲ လို့ ဆိုတော့ ခုခေတ် ရွှေပြည်ကြီးက ရွှေပြည်သူ ရွှေပြည်သားများ မလွှဲသာ မရှောင်သာ သွားနေကြရတဲ့  ဘယ်ရုံး ဘယ်ကန္နား သွား သွား ၊ တွေ့ ကြုံနေကြရတဲ့ ၊ ရုံးဝန်ထမ်းတွေရဲ့  (ကြီးငယ် နိမ့်မြင့် အယုတ် အလတ် အမြတ် မရွေး ) ဆက်ဆံ ပြောဆို ခံရ ပုံလေးတွေ ကြောင့်ပါ ။ကြီးလေ ကုန်လေပေါ့ ၊ နောက်နေ့ မှ နောက်နေ့ မှ ပြန်လာပါ ။လဖက်ရည် ဖိုးတင် မကတော့ ၊ ရှိရှိသမျှ အဖိုး အဖွား ဘိုးစဉ်ဘောင်ဆက် ဖိုးတွေ နဲ့တောင် မလောက် မငှ တော့လည်း သူတို့ ကို အပြစ် မတင်သာ ပါဘူးလေ ။ ( အကောင်းမြင် ဝါဒ နဲ့ ပဲ တွေးလိုက်ပါတယ် )

ဒါတင်မက နောက်ထပ် ဒီလိုလေး လည်း ဆိုထားခဲ့ ကြတယ် မဟုတ်လား "There will be a better tomorrow " တဲ့လေ ။ မနက်ဖြန်ကျရင် ပိုကောင်းပါမယ် တဲ့  ပေါ့ ။ ဒီတော့ လုပ်စရာ ရှိတာတွေ မနက်ဖန်မှ လုပ်ကြတာပေါ့ နော်း)) ။( ထော်လော် ကန့် လန့် တွေးမိတာ ပါ )

အလုပ် ကို တကယ် လုပ်ကြမယ် ဆို ပါစို့  ။ဘယ်လို အဆို အမိန့် မျိ်ုးတွေ ရှိပါသေးလည်း လို့ စဉ်းစားမိသေးတယ် ။ဒီလိုလေး တော့ ကြားဖူး ပါတယ် ။ ဟုတ် မဟုတ် ဆုံး ဖြတ်ပေးကြပါဦး ။ ခေါင်းတလုံးတည်း နဲ့ စဉ်းစားတာထက်စာရင် ခေါင်းတွေ အများကြီးနဲ့ စဉ်းစားတော့ နည်းလမ်း အယူအဆတွေ အများကြီး ရနိုင်တာပေါ့ ။ ဒီတော့ အရည်မရ ၊ အဖတ်မရ တွေးကြည့် လိုက်ရအောင် ။ ဒီလိုပါ ....
"Don't work harder, work smarter "တဲ့ ။ ဒီတော့ အလုပ်ကို အပင်ပန်းခံပြီး လုပ်နေစရာ မလိုပါဘုးလေ ။ သူများ မျက်ခုံးမွှေးပေါ် တက်ပြီး စင်္ကြန်လျှောက်ကြတာပေါ့း)) ။( ထော်လော်ကန့်လန့် စဉ်းစား ခြင်း ပါ ) ။ သင်ရော ဘယ်လိုများ အနက် အဓိပ္ပါယ်ဖေါ် တွေးမိ ပါသေးသလည်း ။

တကယ့် ဆိုလိုရင်းက ဒီလို ဖြစ်မှာပါ - အလုပ်တခုကို လုပ်တော့မယ်ဆို ရင် ဘယ်အချက်က အရေးကြီးဆုံးလဲ စဉ်းစား၊ ဘယ်ဟာကို ဘယ်အချိန် အပြီးလုပ်ရမလဲ သတ်မှတ် ၊ပြီး လိုအပ်ရင် အချိန်ဇယားဆွဲ၊ နောက်ဆက်လို့ လုပ်စရာရှိတာကို ဘယ်လိုလုပ်ရမလဲ၊ အနှောင့်အယှက်တွေကို စိတ်ရှည်ရှည် နဲ့ ရင်ဆိုင်ဖြေရှင်း ၊ အဲဒီလို လုပ်ရာမှာ အလုပ်ပိုတွင်မယ့် ခေတ်ပေါ်ပစ္စည်းကိုသုံး (ဥပမာ အဲယားဇလုံ လိုင်းကဲ့သို့  ပေါချောင်ကောင်း လေယာဉ်များကို ဆေးသုတ် အပေါ်ယံ ကြည့်ကောင်းအောင် ပြင်ဆင် )။ တခါတလေတော့လည်း လိုအပ်ရင် ဘယ်သူ့ တွေကို တာဝန်ခွဲဝေ ထမ်းဆောင်ခိုင်းမလဲ၊ ပူးတွဲ ဆောင်ရွက်မလည်း အစရှိသဖြင့် အစီအစဉ်ချ စနစ်တကျ လုပ်တဲ့ အလုပ်မျိုးပေါ့ လေ။( ရှိ ရှိ သမျှ အမျိုး အဆွေ အပေါင်းအသင်းတွေ ပါ စေရမယ် ) ။အဲဒါမျိုးကို Smart Working လို့ ခေါ်တယ်။ ( ပြောရတာ လွယ်သလောက် လက်တွေ့ လိုက်လုပ်ဖို့ တော့ ခက်သား ရယ် )

ဒါကြောင့် ဒါကြောင့် ဘယ်လို သမ္မာ အာဇီဝ အလုပ်မျိုး နဲ့ ဝမ်းတထွာ ကို အူမခြောက်အောင် လုပ်ရမလည်း ဆို တာ တောင် တွေးလေ ဝေးလေ ပါပဲ လေ ။ မနက်ဖန် သို့  မဟုတ် ဘယ်သော ခါမှ သမ္မာ အာဇီဝ အလုပ်ဆို တာ တွေအမှန်တကယ် ရှိလာကြမှာလည်း ။

ကာတွန်းဖတ်ပြီး ဆားချက်ရတာလဲ မောတာဘဲ ကွယ် ... :)