ကုရာနတ္တိ ဆေးမရှိပြီ ( ၂ )...

မိုးတွင်း အခါသမယ ၊အောင်နက်ကြီး နဲ့  ဂုတ်ကျားမ တို့ မိသားစု အနေခက် ၊ အရှာခက် လို့  စိတ်အပျက်ဆုံး ရာသီကာလ ပေါ့ ။ခေါင်မိုး ကမလုံလို့  မိုးယိုနေတာ ကမှ မိုးမယိုတဲ့ နေရာလေး ရှာပြီးကွေးလို့ ရအုံးမယ် ။ခိုလှုံစရာ ခေါင်မိုး တောင် မရှိတဲ့  ဘဝ ၊ သူများတံစက်မြိတ်မှာ ခိုနား နေရတဲ့ ဘဝ ။ ခြင်တွေကကိုက် ၊ ယင်တွေ တလောင်းလောင်းနဲ့  အမှိုက်ပုံ မှာမှ တိုးခွေ့ မရှာစားလို့ လဲမရ ။ ဩော် ခွေးဖြစ်ရတဲ့  ဒုက္ခ ၊တခါတလေလည်း ကိုအောင်နက်ကြီး တွေးမိပါသည် ။ ဆီဥထောပတ်စား ၊ရွှေပြည်နန်းက ရွှေပလ္လင်ပေါ် မတော်တရော်ပင် ဝင်ထိုင်လိုက် ရလို့  ခွေးသက်ဝိဥာဉ် ချုပ်ပါမယ်ဆိုလျှင်လည်း တခဏလောက်ဖြစ်ဖြစ် စည်းစိမ်တွေ ခံစားရင်း ခုဘဝကို စွန့် လွှတ်ပါရစေ ...လို့  ။ချစ်လှစွာသော မဟေသီ သက်ထား မယ်ဂုတ်ကျား နှင့် သားရွှေဥ ၊ သမီး ငွေဥ တို့ အတွက်ပင် နောက်ဆံ မငင်ချင်တော့ပဲ လွတ်ရာ ကျွတ်ရာ ဆီသို့ သာ သွားလိုက်ချင် ပါတော့သည် ။ရှေးဘဝတွေက ကုသိုလ်နဲခဲ့ပေလို့ခုဘဝမှာ ခွေးဖြစ်ရလေခြင်းလို့  မှတ်ယူ ပြီး ၊နောင်ဘဝအဆက်ဆက် အတွက် သံသရာ မရှည်စေချင်တော့တာမို့  ခွေးသူခိုး အလုပ်တောင် မလုပ်ဖြစ်တာ ကြာပြီပေါ့ ။


ခွေးဖြစ်နေရပေမဲ့  မနက်ဖြန် အတွက် ၊ မကုန်ဆုံးနိုင်လှသော များပြားလှစွာ မနက်ဖြန်တွေ ရဲ့  မနက်ဖြန်တွေ အတွက် ပူပင်နေရသေးတာ သိပ်တော့ သဘာဝ မကျပေဘူး ။ ခွေးဝင်စားတဲ့  လူတွေ ရှိကြသလို ၊ သူ့ ကိုလည်း လူဝင်စားတဲ့  ခွေးလို့ ပင် ပြောရလေမလား ။ သူ့မှာ ရွှေပြည်ကြီးက လူတွေ လိုပဲ အမြဲ ပူပင်သောက ရှိနေရသည် မှာ ခွေးဖြစ်ရကျိုး မနပ် ။နိစ္စ ဒူဝ ၊ လူ့ အရေး ၃ ပါး မှာ နေရေး ၊ စားရေး၊ သေရေး အားလုံး အတွက် ပူပင်နေရသလို ခွေးတွေလည်းပဲ ပူပင်နေကြရလေပြီ ။
"ကိုအောင်နက်ရေ.. အမလေး ကိုအောင်နက်ရဲ့  .. ထပါအုံး မြန်မြန် .. လာကြပါအုံး တော် ။ ဒီမှာ ငရွှေသွေးလေး ဘာဖြစ်နေမှန်းမသိ ၊ ခေါ်လို့ လည်း မရတော့ ဘူး ရှင့် ။ မြန်မြန်လာကြည့်ပါအုံး ဆိုနေ .."
မဟေသီကြီးရဲ့  ပြာပြာသလဲ အူလိုက် အဲ .. အော်လိုက်သံကြောင့် အောင်နက်တကောင် အတွေးမြှင် ပြတ်သွားပြီး အသံလာရာဆီသို့  တရှိန်ထိုး ခုန်ပြေးသွားလိုက်မိသည် ။ အနားရောက်တော့ မြင်လိုက်ရတဲ့ မြင်ကွင်းကြောင့် အသက်ရှု ရပ်မတတ် ဖြစ်သွားရသည်လေ ။ရင်နှစ်သည်းခြာ သားခွေးလေး ငရွှေသွေး တကောင် မျက်ဖြူဆိုက်နေတဲ့ ပုံကြောင့် ခြေမကိုင်မိ လက်မကိုင်မိ ။
"ဟေ ။ ဘယ်လို ဖြစ်တာတုံးဟ ။ ညနေခင်းကတောင် ငါတို့ အတူတူ အမှိုက်ပုံမှာ စားလာခဲ့ ကြတာ ။ သူစားပါစေတော့ဆိုပြီး ငါ့ရှယ်ယာတောင် သူ့ ခွဲပေးလိုက်သေးတာ ဟာ ။ မင့် နို့ ပိန်ခြောက်ကြီးကလည်း စို့ လို့  မလောက်တော့ ၊သူအဟာရ မပြည့်မှာ စိုးလို့ ငါတောင် ချွေတာ စားပါတယ် ။"
"အဲဒါကြောင့်နေမှာပေါ့တော် ။ ကျုပ်သားလေး မသန့်ရှင်းတဲ့ အစာတွေ သွားစားမိလို့ နေမှာ ။ အထက်လှန်အောက်လျှော နေတာ တော်ရေ့ ။ ညနေပိုင်း ဟို အ်ိမ်မှာ ပေါက်တတ်ကရ သတင်းတွေ စပြတဲ့အချိန်ကတည်းက ၊ ခုကိုရီးယားကားပြီးတဲ့ အချိန်ထိ ဆိုရင် ဝမ်းတွေသွားနေတာ ၁၀ ခါ ကျော်ပြီ ။ အန်တာလဲ ၄ -၅ ခါ ။ နောက်ဆုံးတကြိမ် ထိုးအန်ပြီးကတည်းက ဒီလို မြော့သွားတော့ တာပါပဲတော် ။ အန်တာလဲ ကော်ဖီနှစ်ရောင် ညိုညစ်ညစ်တွေ ပါသေးတယ် ။ ကျုပ်ထင်တာက ရှင်တို့ ၂ကောင် ဒီနေ့  ပွဲတော် တွေ့ လာတယ် မှတ်နေတာတော့် ။"
" အာ ..ဘယ်ကလာ ပွဲတော်တွေ့ ရမှာလဲ ။ဗိုက်တောင် မဝလို့  စိတ်ပိန်နေတာ ။ နေပါအုံးအရေးကြီးတာ အရင်ပြော ။"
"ဒီမှာ ရှင်မြင်တဲ့ အတိုင်းပဲ ။'
'ဟာ ။ ဒီလောက်တောင် ဖြစ်နေတာ ခုမှ တွေ့ တာလား ။ မဖြစ်ဖူး ။ ဆေးရုံ မြန်မြန်သွားမှ ပဲ ။'
အောင်နက်တကောင် အူရားဖားရား ဖြင့် သားတော်မောင်ကို ဂုတ်မှ ဆွဲကာ ဆေးရုံ ရှိရာသို့ အမြန် ဆုံး သုတ်ချေတင် တော့သည် ။နောက်မှ ဂုတ်ကျားမကလည်း သမီးတော်လေး ငွေဥ ကို ဒရွတ်တိုက်ဆွဲချလာသည် ။ အိမ်မှာ .အဲလေ . နေရတဲ့ နေရာက အိမ်လို့ တောင် မခေါ်နိုငိ ။အိပ်နေတဲ့  ကပြင်စုတ် လှုပ်တုတ်တုတ်မှာ ငွေဥလေးကို တကောင်ထဲ ချန်မထားရဲ ။ လက်ရဲဇက်ရဲ ကြံ့ ဖွတ်ပဒပ်တို့ ရဲ့ ရန်ကို ကြောက်ရ သေးတာမို့  မျက်စိအောက်မှ အပျောက်မခံနိုင်ပါ ။သူတို့ ၎ကောင်သား ခွေးဆေးရုံကြီးသို့  ပေါက်ချလာတဲ့ အချိန်မတော့ ဟောဟဲဆိုက်နေကြပြီ ။အရေးပေါ်ရောက်တော့ ပိုပြီး အမောဆို့ ကြရပါပြီ ။အဝ မှ အပေါက်စောင့်ခွေးက လှမ်းဟောင်လိုက်သေးသည် ။ရှိ်သမျှ ပါဝါ ပြကြတာပေါ့ ။ အရော် မပေးတဲ့  အရေးပေါ်ခန်းထဲမှာ အလုပ်သင် ခွေးဆရာဝန်လေး နဲ့ ဆရာမ နီနီလေး တို့  ၂ကောင်ပဲ ရှိသည် ။ခွေးနာ တွေကတော့ ကုတင်တွေပေါ်မှာရော ၊ ကွပ်ပြစ်တွေပေါ်မှာပါ အပြည့် ။အတော်များများမှာ ဖုတ်လှိုက် ဖုတ်လှိုက်နဲ့ အသက်ထွက်ဖို့ အရေးကို တန်းစီစောင့်နေကြရရှာသည် ။ အိုး .. သန်းခေါင်ထက် ညဥ့်မနက်တော့ ပါဘူး ။ ဘာပဲ ဖြစိဖြစ် အားမလျှော့ နိုင်တော့ ၊ ကုန်ချင်သလောက် ကုန်ပါစေ ။သား မောင်ရွှေသွေးကို တော့ အဆုံးရှူံးမခံနိုင်ပါ ။ဘာပဲ လုပ်ရ လုပ်ရ ၊ ခွေးထီးတို့  လုံ့ လ သေခါမှ လျှော့ရမတဲ့ ။
အခန်းဝမှ ဆရာမ က ခရီးဦးကြို ပြုသည် ၊ ပိုက်ဆံဘယ်လောက်တတ်နိုင်သလဲ တဲ့ ၊မချစ်သော်လည်း အောင့်ကာ နမ်း ရတော့မယ် ။
"ရှိပါတယ် ဆရာမခွေးရယ် ။ ကျုပ်သားလေးကိုသာ ဂရုစိုက်ပေးပါ ။ မရှိ ရှိ်တာ ရှာကြံပေးပါ့မယ် ဗျာ ။"
ပြောမဲ့သာပြောရတယ် ။ ကိုယ့်ဝမ်းနာ ကိုယ်သာသိပေတာကိုး ။ခွေးဖြစ်မှ မစင်ကြောက်နေလို့  မဖြစ်ဖူးလေ ။ ဒီတော့ မှ ပြာပြာသလဲ ဆေးစာရွက်လေးရေးပေးပြီး မျက်စောင်ထိုး က ၂၄ နာရီ ဖွင့်တဲ့ဆိုင်မှာ သွားဝယ်ခိုင်းတယ် ။ ဩော် .. ခွေးနာအတွက် သေရေးရှင်ရေးတမျှ အရေးကြီး နေတဲ့ ဒီအချိန် စက္ကန့်တွေ မှာ ဆေးဝယ်ရင်းနဲ့  အသက်မမှီ လိုက်ရသူတွေ ဘယ်လောက်များ ရှိ်နေမှာလည်း ။ဒါနဲ့ ကိုအောင်နက်တကောင် ဆေးရုံနဲ့ မနီးမဝေး လမ်းတဖက် မျက်စောင်းထိုးမှာ ၂၄ နာရီ ဖွင့်ထားတဲ့ မီးစက်သံတဂျိမ်းဂျိမ်းနဲ့  ဆေးအစုံရောင်းတဲ့  ဆေးရောင်းဆိုင်လေးသို့  မတိမ်းမစောင်း ဗိန်းဗောင်းတီးပြီး ပြေးရသည် ၊ အချိုရည် အငံရည် ပုလင်းများ ၊အသက်ကယ်ဆေး၊ ဆေးထိုးအပ် ။ ပလာစတာ ၊ အရက်ပျံ နှင့် ဂွမ်းက အစ စုံအောင်ဝယ်ရတော့သည်ပေါ့ ။ ဒါနဲ့ တင် ဆင်ဖြူ ၄ ကောင် လျှောသွားတယ် ။ စားရိတ်မျှပေး ကျန်းမာရေး လို့ ဆိုပေသကိုး ။

တချို့ တချို့ ကလည်း နာနာကျင်ကျင်ပြောကြတယ် ။ ခွေးဘုရင် ဘဏ္ဍာရေး ဘတ်ဒဂျက်တွေ လိုငွေပြနေတာ ၊ဘယ်သူ့ ပြောင်းပြောင်း ဒီလိုပဲ နေမှာတဲ့။ ဟုတ်မှာပေါ့ နော် ။ ကိုအောင်နက်တကောင် အကောင်းမြင် ဝါဒလေးကို မြင်ကြည့်တယ် ၊ သြော် ဒီလို ဆေးရောင်းဆိုင်လေးတွေ ၂၄ နာရီရောင်းချ ပေးနေလို့ သာ ငါ့သားရွှေသွေးလေး ရေတိမ် မနစ်ရတာ ၊ ကျေးဇူးတင်ထိုက်ပါတယ် လို့ ကြံဖန် တွေးလိုက်မ်ိသေး ။ ရှည်ရှည်ဝေးဝေး သိပ်မတွေးအားတော့ ၊ နောင်ခါလာ နောင်ခါဈေး ပဲ ပေါ့ ။အရော်ပေးရမဲ့ အရေး ပေါ်ထံ အပြေးကလေး ပြန်အလာ ၊ ခွေးမသားလေး ခုထိ ခွေးနေရာမရသေး ။ အဲလေ ကုတင်နေရာ မရှိသေးလို့ ကော်ရစ်.ဒါ ဘေးက ခုံတန်းလေးမှာ မြော့မြော့လေးရယ် ။တခုတော့ တော်သေးတယ်ပေါ့ ။သူတို့  ရှိတဲ့ ဆေးလေးတွေ နဲ့  အရင် ဆေးပုလင်းချိတ်ထားပေးလို့  ။ အစားပြန်ပေးရတာတော့ ထုံးစံမို့  ပြန်ပေးလိုက်ပါတယ် ။ အရည်ဓါတ်ခန်းလို့ ရှောခ့်ရခါနီး နေတဲ့ သားကလေး အလာနှောင်းဖို့ နဲနဲလေးသာ လို တော့တယ်လို့  ခွေးဆရာဝန်လေးက ရှင်းပြနေတာ ၊ အောင်နက်ကြီး ကြားတချက် မကြားတချက် ပါ။ဓါတ်ဆားရည်တောင် ဝယ်မတိုက်နိုင်လို့  ပိုဆိုးသွားရတယ် ဆိုတာ ပြောမထွက် ။မင်းလည်းသိ ကိုယ်လည်းသိ အားလုံးအသိ ။

ဒီအချိန်မှာ ဘေးမှအရေးတကြီး ပြေးသွားကြတဲ့ ခွေးတအုပ်၊ စိုးရိမ်ထိတ်လန့် မှုတွေ အတိုင်းသား နဲ့ ခွေးအမေ တကောင် ၊ သွေးလန့်ပြီးရှောခ့် ရနေတဲ့ သားကလေး ကို ထော်လီပေါ်မှာတင်လို့  ။ အောက်စီဂျင်ဗူးရှည်လေးမှ ပိုက်တန်းလန်းက လျှော့ရဲရဲ ။ခွေးဟောက်ဆာဂျင်လေး တယောက်က ပလာစမာ သွေးရည်ကြည်ပုလင်းလေးဆွဲကာ ပင်မဆေးရုံဆောင်ကြီးဖက်သို့  ပြေးလွှား သွားနေကြတဲ့ မြင်ကွင်းလေးကို အငေးသားနဲ့ မို့ ပါ ။အခြေအနေမဟန်လို့  အသည်းအသန်ခန်း ထဲ မှာနေရမှာ ။သားသမီးချင်းကိုယ်ချင်းစာတတ်တဲ့ အောင်နက်တကောင် စိတ်မကောင်းဖြစ်ရုံမှ လွဲလို့ ဘာမှ မတတ်နိုင် ။ဘေးက ခွေးနာရှင်တကောင်ကို စပ်စုမိတော့ သွေးသွင်းဖို့  အရေးတကြီး လိုနေတာမို့တဲ့ ။ ဘာသွေးပါလိမ့် လို့  မေးကြည့်တော့ အေ သွေး ။ ခက်ပါပြီ ကိုအောင်နက်ကြီးက ဘီ မို့ လှူချင်တာတောင် မလှူနိုင် ။ နောက်တော့ ဘေးက တကောင်ဆက်ပြောပြတော့ မှ အောင်နက်တကောင် သာဓု အကြိမ်ကြိမ်ခေါ်မိပါတော့သည် ။ မောင်မင်းကြီးသားလေး ကျန်းမာချမ်းသာ ပါစေ ဗျား ။နောင်တချိန်မှာ နာမည်ကြီး ဆရာဝန်ကြီး အဖြစ်နဲ့ ဆင်းရဲသား ခွေးနာတွေကို ခုလို ဆက်လက် ကုသ ပြီး ကုသိုလ်တွေ ရပါစေဗျား လို့  ဆုတွေ တလှေကြီး ပေးလိုက်မိသည် ။အကြောင်းမှာတော့ ခုန ခွေးဟောက်ဆာဂျင်လေး က အသည်းအသန် ခွေးနာလေး လိုနေတဲ့ သွေးကို လှူပေးလိုက်လို့ ပါတဲ့လေ။ ဒီလို အကြင်နာ မေတ္တာတရားတွေ နဲ့ ဆရာဝန်တွေလည်း ရှိပါသေးလား လို့ ကြည်နူးမိရပါသေးတယ် ။

သာဓုပါဗျာ သာဓု သာဓု သာဓု .. ဪ ...ခင်ဗျားတို့ က ခွေးပါးစပ်က နတ်စကားထွက်တယ်လို့ များ ဆိုချင်နေကြသေးသလား ။ဘဝအကျိုးပေးမကောင်းလို့ ဒီဘဝမှာ ခုလို ခွေးလာဖြစ်နေရပေမဲ့ ကျုပ်က ခွေးကျင့်ခွေးကြံ မကြံတာ ကြာပြီဗျ ။

ဟော... တဝုန်းဝုန်းနဲ့ ပြေးဝင်လာကြပြန်ပြီ ။ ပြာနှမ်းနှမ်း ခွေးမသားလေး တကောင် သတိလစ်နေတာ ၊သူ့  မိဘများ က စိုးရိမ်တကြီး ပွေ့ ချီလာတယ် ။ တာဝန်ကျ ဆရာဝန်လေး ခမျာ မနိုင်မနင်း နဲ့ ၊လိုအပ်တာတွေ လုပ်ပေးရပြန်တာပေါ့ ။ သူတို့ မေးကြ ပြောကြတာတွေ အရ ဒီခွေးသူငယ်လေး အိမ်ရှေ့ မီးမှောင်မှာ ထွက်ဆော့ ရင်း နဲ့  ဘာအမျိုးအစား မှန်းမသိတဲ့  မြွေတကောင် ကိုက်ခံလိုက်ရတာ ရှေးဦးသူနာပြု နည်း နဲ့ ပြုစုပြီး ဆေးရုံ ကို အချိန်မှီ ပို့ ဖို့  အသိတရားတွေ မရှိကြလေတော့ အတော်လေး နောက်ကျပြီးမှ အသက်လုရတော့တာပေါ့ ။ ဒီထက်ခက်တာ က မနှစ်က ဒီလိုအချိန်မှာပဲ သူတက်နေတဲ့ တက္ကသီလာ ကျောင်းတော်ကြီးရဲ့  စားသောက်ဆိုင်မှာ ထိုင်နေရင်း အကုသိုလ် ဂြိုလ်မွှေလို့  နေ့ ခင်းကြောင်တောင် မြွေကိုက်ခံလိုက်ရတာ၊ ဆေးရုံကို အချိန်မှီရောက်ပေမဲ့  မြွေဆိပ်ဖြေဆေးမရှိလို့  အသက်ဆုံးရရှာတဲ့  တက္ကသိုလ်ကျောင်းသူလေး အကြောင်းတောင် ပြန်သတိရမိသေးလို့ ကိုအောင်နက် ပိုပြီး စိတ်ညစ်သွားရပြန်သည် ။
ကဲ လေ.. သတ္တဝါ တခု ကံတခု လို့ ပဲ သဘောထားမှ ။နို့ မို့ ဆို ငါပဲရောဂါတိုးနေမယ် လို့ ဆိုပြီး စိတ်ပြန်ထိန်းမှ နေသာထိုင်သာ ရှိသွားရသည် ။ တော်ပါသေးရဲ့ လေ ။ ငါ့သား မောင်ရွှေသွေး ရွှေဥလေး တကောင် ခွေးနေရာရ ..အဲလေ.. ဆေးရုံမှာ ကုတင်(ခုံတန်းး) တနေရာစာလေး ကံကောင်းထောက်မစွာ ရလိုက်တာ ကိုပဲ တွေးပြီး ကြံဖန်ဖြေသိမ့် နေရပါတော့သည် ။ ဒါပေမဲ့ မနက်ဖြန်တွေ ရဲ့  မနက်ဖြန်တွေ မှာ ကုန်ကျမဲ့  ဆေးဖိုး နဲ့  ဝါးခ တွေ အတွက် ဆက်ပြီးစဉ်းစားမိပြန်တော့ ....ကိုအောင်နက်ကြီး တကောင် မျက်နှာ ညှိုး ကျသွား ပြီး ၊ ဂိန် .. ဂိန် ... ဂိန် ..လို့ တောင် မအော်နိုင်တော့ပါကလား လေ ....

ဒီနေရာမှ သတင်းဆောင်းပါးလေးကို ဇာတ်လိုက်ကြီး ခွေးအောင်နက်မှ ခံစားပြီး ရေးသားပါသည် ။


ဘောနပ်စ် အပိုသတင်းတွေ ဒီမှာ ရှိသေးတယ် ။
(၁) မြွေဆိပ်ဖြေဆေးအတုများ ကြီးကြပ်ရန် အခက်တွေ့ ......အသေးစိပ်ကို အဲ့မှာ ကြည့်တော့ ၊
ဆေးရုံမှာ အသက်ကယ်ဆေးမရှိလို့  အသက်ဆုံးရရှာသူတွေ ဘယ်လောက်များ ရှိနေပြီလည်း ။ ဆေးမရှိလို့  အပြင်ကဝယ်သုံး တော့လည်း ငွေကုန်ပြီး ဆေးတု မိကြရတာတွေ ရော ။ဘယ်လောက်များ ရှိနေကြလည်း ။
ဆေးအတု ထုတ်သူများကို ထိရောက်စွာ ဖေါ်ထုတ် အရေးယူဖို့  လိုအပ်နေတာ ကြာပါပြီ သက်ဆိုင်သူတို့ ရေ ။

(၂) ၂၀၀၈ခုနှစ် သြဂုတ်လ (၄)ရက်နေ့ မှာ ရန်ကုန်နည်းပညာတက္ကသိုလ် ဒုတိယနှစ်ကျောင်းသူ မမြတ်ဆုမွန် ကျောင်းတက်ချိန်အတွင်း ကျောင်းစားသောက်ဆိုင်မှာ ထိုင်နေရင်း မြွေကိုက် ခံခဲ့ရတဲ့ မမြတ်ဆုမွန်ကို မြွေဆိပ်ဖြေဆေး အချိန်မှီ ထိုးနိုင်ခြင်း မရှိတဲ့အတွက် ဆေးရုံတစ်ရုံမှ တစ်ရုံကို ပြောင်းရွေ့ ရင်း လမ်းမှာတင် သေဆုံးသွားရသည် .....အစရှိသဖြင့်


ကုရာနတ္တိ ဆေးမရှိ ၊ ရှိတဲ့ ဆေးများလည်း ဆေးအတုများ ၊ ဆေးရှိသော်လည်း ငွေအသပြာ မရှိ ။ အဟောသိကံ မောလေစွ .. မောလေစွ ။